ఛత్తీస్గఢ్ దంతెవాడ జిల్లాలో భద్రతా దళాలు, మావోయిస్టుల మధ్య ఎన్కౌంటర్ జరిగింది. ఈ ఎదురుకాల్పుల్లో ఇద్దరు నక్సలైట్లను మట్టుబెట్టారు భద్రతా సిబ్బంది. కుత్రేం గ్రామ సమీపంలోని అటవీ ప్రాంతంలో గత అర్ధరాత్రి ఎదురుకాల్పులు జరిగినట్లు ఎస్పీ అభిషేక్‌ పల్లవ తెలిపారు.
దంతెవాడలో ఎన్కౌంటర్- ఇద్దరు నక్సల్స్ హతం - ఎదురుకాల్పులు
ఛత్తీస్‌గఢ్‌లోని దంతెవాడ జిల్లాలో జరిగిన ఎన్కౌంటర్లో ఇద్దరు నక్సల్స్ హతమయ్యారు. గత అర్ధరాత్రి కుత్రేం గ్రామ సమీపంలోని అటవీ ప్రాంతంలో భద్రత బలగాలు, నక్సల్స్ మధ్య ఎదురుకాల్పులు జరిగాయి.
దంతెవాడలో ఎన్కౌంటర్- ఇద్దరు నక్సల్స్ హతం
కాసేపటి తర్వాత అవతలి వైపు నుంచి కాల్పులు నిలిచిపోయాయని, ఘటనాస్థలంలో రెండు మృతదేహాలను గుర్తించినట్లు ఎస్పీ చెప్పారు. మృతులను లచు మాండవి, పొదియాగా గుర్తించినట్లు చెప్పారు. వారిద్దరూ మలంగీర్‌ ప్రాంత కమిటీ సభ్యులని పేర్కొన్నారు. ఒక్కొక్కరి తలపై 5 లక్షల రివార్డు ఉన్నట్లు తెలిపారు.
ఘటనాస్థలం నుంచి 9 ఎమ్ఎమ్ ఇటలీ తయారీ పిస్టోల్‌, 12 బోర్‌ రైఫిల్‌ స్వాధీనం చేసుకున్నట్లు ఎస్పీ వివరించారు. దంతెవాడ శాసనసభ ఉప ఎన్నికలు దగ్గరపడుతున్న సందర్భంగా భద్రతాదళాలు కూంబింగ్‌ను ముమ్మరం చేశాయి. ఈ ఏడాది ఏప్రిల్‌లో దంతెవాడ ఎమ్మెల్యే, భాజపా నేత భీమా మండావిని నక్సల్స్ కాల్చి చంపారు.
- ఇదీ చూడండి: గాంధీ 150: ఛత్తీస్గఢ్ కోసం 'కండేల్ సత్యాగ్రహం'
Last Updated : Sep 30, 2019, 1:35 PM IST