మహారాష్ట్ర రాయ్గఢ్ జిల్లాలోని ఖపోలి నగరంలో ఉన్న ఇండియా స్టీల్ప్లాంట్లో భారీ పేలుడు సంభవించింది. పేలుడు కారణంగా మంటలు ఎగిసిపడ్డాయి. ఈ ఘటనలో ఇద్దరు కార్మికులు ప్రాణాలు కోల్పోయారు. మరో వ్యక్తి తీవ్రంగా గాయపడ్డారు.
అయితే.. ప్రమాదానికి గల కారణాలు ఇంకా తెలియరాలేదు. కంపెనీ కూడా ఎలాంటి వివరాలు వెల్లడించలేదు. అర్ధరాత్రి జరిగిన పేలుడు సంభవించగా.. సుమారు కిలోమీటర్ వరకు శబ్దం వినిపించింది. సమీపంలోని ఇళ్లు కంపించినట్లు స్థానికులు చెబుతున్నారు.
చనిపోయిన వారిని దినేశ్ వామన్రావ్ చౌహాన్(55), ప్రమోద్ దూద్నాత్ శర్మ (30)లుగా గుర్తించారు. తీవ్రంగా గాయపడిన సుభాష్ ధోండీభా వంజలే (55)ను ముంబయిలోని ప్రైవేటు ఆస్పత్రికి తరలించారు.