ఓటు హక్కు ప్రతి ఒక్కరూ వినియోగించుకోవాలని ప్రచారం చేస్తున్నారు మహారాష్ట్రలోని ఇద్దరు యువకులు. నాగ్పుర్లో హోటల్ నడుపుతున్న అక్షయ్, గణేశ్... వినూత్న పద్ధతిలో ఓటుపై అవగాహన కల్పిస్తున్నారు. ఏప్రిల్ 11న ఓటువేసిన వారందరికీ ఆలూ బోండాలను సగం ధరకే ఇస్తామని ప్రకటించారు.
"ఎన్నికల్లో భారీ సంఖ్యలో ప్రజలు ఓటు వేయాలని కోరుతున్నాం. ఇందుకోసం 11వ తేదీన డిస్కౌంట్ ఆఫర్ ప్రకటించాం. ఛాయ్, అల్పాహారంపై 50 శాతం రాయితీ ఇస్తున్నాం. మీరు ఏ పార్టీకైనా ఓటు వేయండి. ఓటు హక్కు వినియోగించుకుంటే చాలు. రాయితీ వర్తిస్తుంది."
-గణేశ్, హోటల్ సహ యజయాని
ఇదీ చూడండి:రైల్వే టీ కప్పులపై 'చౌకీదార్' రగడ
"ఈ ఆలోచన చాలా నచ్చింది. ఎందుకంటే రెండో కోణంలో ఆలోచించారు. అవగాహన కల్పించడమే కాక ఆఫర్ కూడా ఇస్తున్నారు. అందరూ తప్పకుండా ఓటు వేయాలి."
-స్థానిక మహిళ, నాగ్పుర్
