యూపీలో ఇద్దరు బాలికల 'ప్రేమ వివాహం'

ఉత్తర్​ప్రదేశ్​లో విచిత్ర ఘటన జరిగింది. ఏడాది కాలంగా ఇద్దరు బాలికలు ఒకరినొకరు ప్రేమించుకున్నారు. పురుష జీవితంతో సంబంధం లేకుండా వారిద్దరే కలిసుండాలని నిర్ణయించుకున్నారు. అయితే.. దీనికి ఇరు కుటుంబాలు నిరాకరించాయి. ఇంతలో వారు పరారై, పెళ్లి చేసుకున్నారు.

ఉత్తర్​ప్రదేశ్​లోని కాన్పుర్​లో ఇద్దరు బాలికలు ఒకరినొకరు ప్రేమించుకున్నారు. వారి సంబంధంపై రెండు కుటుంబాలు తీవ్ర అభ్యంతరం వ్యక్తం చేయగా... పారిపోయి పెళ్లి చేసుకున్నారు.

ద్వేషం నుంచి పుట్టిన ప్రేమ!

రతి తివారీ, నందిని గౌతమ్​ అనే ఇద్దరు బాలికలకు ఏడాది క్రితం పరిచయం అయింది. ఇద్దరికీ పురుషులంటే ద్వేషం కాబట్టి.. రెండు మనసులూ ఏకమయ్యాయి. అయితే.. ఈ విషయంపై ఇద్దరు అమ్మాయిల కుటుంబ సభ్యులు, సమాజం తీవ్ర అభ్యంతరం వ్యక్తం చేశాయి. దీంతో ఆ ఇద్దరు బాలికలు పారిపోయి.. కాన్పుర్​లోని బర్రా ప్రాంతంలో వివాహం చేసుకున్నారు.

ఈ విషయమై నందిని తల్లి గుడియా దేవి.. తన కుమార్తెను రతి, ఆమె సోదరుడు కిడ్నాప్​ చేశారని ఆరోపిస్తూ పోలీస్​ స్టేషన్​లో ఫిర్యాదు చేసింది. అయితే.. ఈ ఘటనపై కూతురు నందిని స్పందించింది. రతిని తాను ఇష్టపూర్వకంగానే వివాహమాడానని.. తన తల్లి తప్పుడు ఆరోపణలు చేస్తోందని చెప్పింది.

ఇదీ చదవండి:యూపీ అత్యాచార బాధితురాలు దిల్లీలో మృతి