హాథ్రస్ అత్యాచార ఘటన అనంతరం దేశంలో పలు చోట్ల ఇలాంటి ఘటనలు అధిక సంఖ్యలో బయటపడుతున్నాయి. మధ్యప్రదేశ్లోని జబల్పుర్లో రెండేళ్ల బాలికపై అత్యాచారానికి ప్రయత్నించిన ఇద్దరు దుండగుల కోసం పోలీసులు గాలిస్తున్నారు.
తల్లి రాకతో...
జబల్పుర్లో ఇద్దరు దుండగులు ఓ ఇంట్లోకి ప్రవేశించి... ఒంటరిగా ఉన్న రెండేళ్ల బాలికపై అత్యాచారానికి ప్రయత్నించబోయారు. అయితే చిన్నారి అరుపులతో ఇంటి బయటే ఉన్న తల్లి రావడం గమనించి, నిందితులు పరారయ్యారు. బాధితురాలి తల్లి ఫిర్యాదు మేరకు కేసు నమోదు చేశారు పోలీసులు. నిందితుల కోసం గాలిస్తున్నట్లు తెలిపారు.
ఉత్తర్ప్రదేశ్లోనూ..
బదాయూ జిల్లా హజరత్పుర్ ప్రాంతంలో ఐదేళ్ల బాలికపై తన బంధువే అఘాయిత్యానికి పాల్పడ్డాడు. ఇంటి బయట ఆడుకుంటున్న చిన్నారిని.. నిర్మానుష్య ప్రదేశానికి తీసుకెళ్లి, అత్యాచారం చేశాడు. బాధితురాలి కుటుంబ సభ్యుల ఫిర్యాదు మేరకు నిందితుడిని పోలీసులు అరెస్టు చేశారు.
రాజస్థాన్లో...
రాజస్థాన్లో 15 ఏళ్ల బాలిక అత్యాచారానికి గురైంది. ఇద్దరు దుండగుల్లో ఒకరు ఈ కిరాతకానికి పాల్పడగా.. మరో వ్యక్తి వీడియో తీశాడు. ఈ ఇద్దరు కూడా పరారీలో ఉన్నట్లు తెలుస్తోంది. ప్రస్తుతం బాధితురాలు స్థానిక ఆసుపత్రిలో చికిత్స పొందుతోంది. ఈ ఘటనపై కేసు నమోదు చేసి.. దర్యాప్తు చేస్తున్నట్లు పోలీసులు తెలిపారు.
ఇదీ చూడండి:8 నెలల బిడ్డతో కలిసి తల్లి ఆత్మహత్య
