చిన్నారుల్ని మేడపై నుంచి తోసేసిన కిరాతకుడు

మానవత్వం మరోసారి మంటగలిసింది. అభం, శుభం తెలియని ఇద్దరు చిన్నారుల్ని ఎత్తైన భవనం నుంచి తోసేశాడో కర్కశుడు. ఆ ఇద్దరు చిన్నారుల పరిస్థితి విషమంగా ఉండగా.. ఈ ఘటనకు కారణమైన వ్యక్తిని పోలీసులు అదుపులోకి తీసుకున్నారు.

ఆడించి, లాలించాల్సిన ఇద్దరు చిన్నారుల్ని దారుణంగా బహుళ అంతస్థుల భవనం మేడపైనుంచి తోసేశాడో వ్యక్తి. పశ్చిమ్​ బంగాలోని కోల్​కతాలో జరిగిందీ ఘటన. వీరిలో ఒకరి వయసు రెండేళ్లు కాగా.. ఇంకో చిన్నారికి ఆరేళ్లు. తక్షణమే స్థానికులు స్పందించి ఇరువురినీ ఆసుపత్రికి తరలించారు. అయితే.. చిన్నారుల పరిస్థితి విషమంగా ఉన్నట్లు తెలుస్తోంది.

ఈ ఘటనలో నిందితుడు శివ్​​కుమార్​ను అరెస్టు చేశారు పోలీసులు. ప్రాథమిక విచారణలో అతడు.. నేరాన్ని అంగీకరించినట్లు తెలిపిన పోలీసులు, కారణాలపై దర్యాప్తు చేస్తున్నారు.

ఇదీ చదవండి:అక్కడ కోతులకో పార్కు.. ప్రజల కోరిక మేరకే!