పాక్​ సైన్యం కాల్పుల్లో ఇద్దరు భారత జవాన్లకు గాయాలు

జమ్ము కశ్మీర్​ సరిహద్దు వెంబడి పాక్​ సైన్యం మరో సారి  కాల్పులకు తెగబడింది. ఈ ఘటనలో ఇద్దరు భారత జవాన్లు గాయపడ్డారు.

పాక్​ సైన్యం మరోసారి కాల్పుల విరమణ ఒప్పందాన్ని ఉల్లంఘించింది. జమ్ముకశ్మీర్​ రాజౌరి జిల్లాలోని నియంత్రణ రేఖ వెంబడి దాడికి తెగబడింది​. ఈ ఘటనలో ఇద్దరు భారత జవాన్లు గాయపడ్డారు.

కేరీ ప్రాంతంలోని భారత సైనిక బృందంపై పాక్​ కాల్పులకు పాల్పడిందని అధికారులు తెలిపారు. పాక్​ చర్యలను భారత్​ సమర్థంగా తిప్పికొట్టిందని పేర్కొన్నారు. ప్రతిఘటన చర్యలో ప్రత్యర్థుల్లో ఎంతమంది చనిపోయారనేది ఇంకా తెలియాల్సి ఉందని వెల్లడించారు.