జమ్ము కశ్మీర్ను చైనాలో భాగంగా చూపించినందుకు ట్విట్టర్పై తీవ్రంగా మండిపడ్డారు నెటిజన్లు. ట్విట్టర్ చేసిన ఈ పొరపాటును గుర్తిస్తూ.. అబ్సర్వర్ రీసెర్చ్ ఫౌండేషన్ (ఓఆర్ఎఫ్) ప్రతినిధి కాంచన్ గుప్త తొలుత ఓ ట్వీట్ చేశారు.
"అయితే ట్విట్టర్ ఇప్పుడు భౌగోళిక సరిహద్దులను పునర్నిర్మించి, జమ్ము కశ్మీర్ను చైనాలో భాగం చేయాలని నిర్ణయించిందన్నమాట. ఇది భారత చట్టాలను ఉల్లంఘించడం కాకపోతే ఇంకేమిటి? భారత పౌరులు చిన్న పొరపాట్లకే శిక్షలు అనుభవించారు. మరి అమెరికాకు చెందిన ఈ టెక్ కంపెనీ చట్టానికి అతీతమా? " అని కాంచన్ గుప్త టెలికాం, ఐటీ మంత్రి రవిశంకర్ ప్రసాద్ను ట్యాగ్ చేస్తూ ట్వీట్ చేశారు.
ఈ వివాదంపై స్పందించిన చాలా మంది నెటిజన్లు కూడా ట్విట్టర్పై చర్యలు తీసుకోవాలని ప్రభుత్వాన్ని కోరారు.
'ట్విట్టర్ ప్రకారం లేహ్ చైనాలో భాగమన్నమాట' అని మరో నెటిజన్ ట్వీట్ చేశాడు.