ఈ నెల 24న భారత్​కు అమెరికా అధ్యక్షుడు ట్రంప్​

అమెరికా అధ్యక్షుడు డొనాల్డ్ ట్రంప్ భారత్ పర్యటన తేదిలు ఖరారయ్యాయి. ఫిబ్రవరి 24-25 తేదీల్లో భారత్​లో పర్యటించనున్నారు ట్రంప్. ఈ మేరకు అమెరికా యంత్రాంగం అధికారిక ప్రకటన విడుదల చేశారు. భారత్, అమెరికాల మధ్య వ్యూహాత్మక భాగస్వామ్యం బలోపేతం దిశగా ఈ పర్యటన దోహదం పడనుందని తెలుస్తోంది.

అమెరికా అధ్యక్షుడు డొనాల్డ్​ ట్రంప్​.. ఈ నెల 24-25 తేదీల్లో భారత్​లో పర్యటించనున్నారు. ఈ విషయాన్ని శ్వేతసౌధం ప్రకటించింది. ట్రంప్​తో పాటు ఆయన సతీమణి మెలానియా ట్రంప్​ కూడా భారత్​లో పర్యటిస్తారని స్పష్టం చేసింది. భారత్​-అమెరికా మధ్య ఉన్న వ్యూహాత్మక భాగస్వామ్యం ఈ పర్యటనతో మరింత బలపడుతుందని అగ్రరాజ్యం విశ్వాసం వ్యక్తం చేసింది.

"దిల్లీతో పాటు ప్రధాని మోదీ సొంత రాష్ట్రమైన గుజరాత్​లోని అహ్మదాబాద్​లో ట్రంప్​ పర్యటించనున్నారు. మహాత్ముడి జీవితంలో ఆ ప్రాంతం ఎంతో కీలక పాత్ర పోషించింది."
--- శ్వేతసౌధం ప్రకటన.

​అగ్రరాజ్యం అధ్యక్షుడిగా బాధ్యతలు చేపట్టిన మూడేళ్ల తర్వాత తొలిసారి భారత్​లో పర్యటించనున్నారు డొనాల్డ్​ ట్రంప్​.

వాణిజ్య ఒప్పందం...!

ఈ పర్యటనతో భారత్​-అమెరికా మధ్య తలెత్తిన వాణిజ్య విభేదాలు తొలగిపోయే అవకాశాలు ఉన్నట్లు అధికార వర్గాల సమాచారం. ఓ వాణిజ్య ఒప్పందం కుదుర్చుకునేందుకు ప్రణాళికలు జరుగుతున్నట్లు తెలుస్తోంది.

ఇదీ చూడండి- రికార్డు: 5 గంటల్లోపే న్యూయార్క్​ టూ లండన్​