తలాక్ చట్టం చెల్లుబాటుపై విచారణకు సుప్రీం ఓకే

ముమ్మారు తలాక్​ చట్టానికి వ్యతిరేకంగా దాఖలైన పిటిషన్లను పరిగణనలోకి తీసుకుంది సుప్రీం కోర్టు. తలాక్​ చెప్పి విడాకులు ఇవ్వడాన్ని శిక్షార్హమైన నేరంగా పరిగణించే నిబంధన చెల్లుతుందో లేదో పరిశీలించేందుకు అంగీకరించింది. కేంద్రాన్ని వివరణ కోరుతూ నోటీసులు జారీ చేసింది.

మహిళల రక్షణ కోసం.. కేంద్రం తీసుకొచ్చిన ముమ్మారు తలాక్​ చట్టానికి వ్యతిరేకంగా దాఖలైన పిటిషన్లను సుప్రీంకోర్టు విచారణకు స్వీకరించింది. ముస్లిం మహిళలకు మూడుసార్లు తలాక్​ చెబితే.. గరిష్ఠంగా మూడేళ్ల జైలు శిక్షను విధించే నిబంధన చెల్లుబాటుపై పరిశీలించేందుకు కోర్టు అంగీకరించింది.

తలాక్​ చట్టంలో శిక్షార్హమైన నేరం, జైలు శిక్ష వంటి నిబంధనలను పరిశీలించాల్సిందిగా అభ్యర్థించారు పిటిషనర్​ తరఫు సీనియర్​ న్యాయవాది సల్మాన్​ ఖుర్షీద్. ఈ వ్యాజ్యంపై కేంద్రం వివరణ కోరుతూ నోటీసులు జారీ చేసింది జస్టిస్​ ఎన్​వీ రమణ, జస్టిస్​ అజయ్​ రస్తోగీ నేతృత్వంలోని ధర్మాసనం.

కేంద్రం రాజ్యాంగ నిబంధనల్ని ఉల్లంఘించి ముస్లిం మహిళల( వివాహ హక్కుల పరిరక్షణ) చట్టాన్ని రూపొందించిందని సుప్రీం కోర్టులో ఇప్పటికే పలు పిటిషన్లు దాఖలయ్యాయి.

ఇదీ చూడండి:ప్రధాని పర్యటన : యూఏఈలో రూపే కార్డు సేవలు