లోక్​సభ ముందుకు ముమ్మారు తలాక్ బిల్లు

ముమ్మారు తలాక్​ బిల్లును లోక్​సభలో ప్రవేశపెట్టారు న్యాయశాఖ మంత్రి రవిశంకర్​ ప్రసాద్​. పార్లమెంటు సమావేశాల ఐదో రోజున బిల్లును సభ ముందుకు తీసుకువచ్చారు. ముమ్మారు తలాక్ బిల్లుకు తాము వ్యతిరేకమని కాంగ్రెస్ స్పష్టం చేసింది.

లోక్​సభ సమావేశాల ఐదో రోజున ముస్లిం మహిళల రక్షణ కోసం నూతనంగా రూపొందించిన ముమ్మారు తలాక్​ బిల్లును సభలో ప్రవేశపెట్టారు కేంద్రమంత్రి రవిశంకర్​ ప్రసాద్​.

ఈ బిల్లును వ్యతిరేకిస్తున్నామని కాంగ్రెస్​ తెలిపింది. ఇది రాజ్యాంగ విరుద్ధమని ఆ పార్టీ నేత శశిథరూర్​ వివరణ ఇచ్చారు. కేవలం ఓకే వర్గాన్ని లక్ష్యం చేసుకుని రూపొందిన బిల్లును తాము అంగీకరించబోమని తేల్చిచెప్పారు.

ఇదీ చూడండి: ప్రాచీన, ఆధునిక ఆరోగ్య సాధనం 'యోగా': మోదీ