ముంబయి ఉగ్రదాడుల్లో అమరులకు నివాళులు

ముంబయి ఉగ్రదాడుల్లో అమరులైన జవాన్లకు మహారాష్ట్ర ప్రభుత్వం నివాళులర్పించింది. సీఎం ఉద్ధవ్ ఠాక్రే, గవర్నర్ కోశ్యారి శ్రద్ధాంజలి ఘటించారు. ఉగ్రవాదానికి మద్దతిచ్చే దేశాలను వేరుపరచాలని ఉపరాష్ట్రపతి వెంకయ్యనాయుడు పిలుపునిచ్చారు.

ముంబయిలో ఉగ్రవాదుల దుశ్చర్యకు 12ఏళ్లు పూర్తయిన నేపథ్యంలో.. అసువులు బాసిన అమరవీరులకు మహారాష్ట్ర ప్రభుత్వం శ్రద్ధాంజలి ఘటించింది. నవంబర్ 26 దాడులనుంచి దేశాన్ని రక్షించిన అమరవీరులకు నివాళులు అర్పించారు.

గవర్నర్​ భగత్​సింగ్ కోశ్యారి, ముఖ్యమంత్రి ఉద్ధవ్​ ఠాక్రే, హోంమంత్రి అనిల్ దేశ్​ముఖ్ తదితరులు.. దక్షిణ ముంబయిలోని పోలీసు ప్రధాన కార్యాలయంలో నిర్మించిన స్మారకం వద్ద నివాళులు అర్పించారు.

స్మారకం వద్ద నివాళులు అర్పిస్తున్న ఉద్ధవ్ ఠాక్రే

స్మారకం వద్ద నివాళులు అర్పిస్తున్న కోశ్యారీ..

ఉపరాష్ట్రపతి..

ముంబయి ఉగ్రదాడుల్లో మపణించిన వారికి ఉపరాష్ట్రపతి వెంకయ్యనాయుడు నివాళులు అర్పించారు. ఈ సందర్భంగా ఉగ్రవాదానికి మద్దతిచ్చే దేశాలకు వేరు చేయాలని వెంకయ్య పిలుపునిచ్చారు.

ఇదీ చూడండి:26/11 ముంబయి ఉగ్ర దాడులకు 12 ఏళ్లు