కశ్మీర్​కు పర్యటక శోభ- నేటి నుంచి అనుమతి

కశ్మీర్​ సందర్శనానికి నేటి నుంచి పర్యటకులను అనుమతించనుంది ప్రభుత్వం. ఈ మేరకు ఆగస్టు నెలలో విధించిన అత్యవసర ఆదేశాలను ఉపసంహరించుకుంది.

భూతల స్వర్గం కశ్మీర్​కు తిరిగి పర్యటక శోభ సంతరించుకోనుంది. కశ్మీర్​ పర్యటనపై రెండు నెలల ముందు జారీ చేసిన అత్యవసర ఆదేశాలను ప్రభుత్వం ఉపసంహరించుకుంది. నేటి నుంచి పర్యటకులను అనుమతించనుంది.

జమ్ముకశ్మీర్​కు స్వయం ప్రతిపత్తిని కల్పించే ఆర్టికల్​ 370ని ఆగస్టు 5నకేంద్రం రద్దు చేసింది. అంతకుముందు ఆగస్టు 2న జమ్ముకశ్మీర్​లో పర్యటనలపై ఆంక్షలు విధించింది.

కశ్మీర్​లోని తాజా పరిస్థితులు- భద్రతా పరిణామాలను సమీక్షించేందుకు సోమవారం జరిగిన సమావేశంలో ఆ రాష్ట్ర గవర్నర్​ సత్యపాల్​ మాలిక్​.. అత్యవసర ఆదేశాలను ఉపసంహరించుకునేందుకు మార్గనిర్దేశకాలను జారీ చేశారు.

ఇదీ చూడండి:కశ్మీర్​ స్థానిక ఎన్నికలను బహిష్కరించిన కాంగ్రెస్​