జమిలి ఎన్నికలపై నేడు అఖిలపక్ష భేటీ

పార్లమెంటులో ప్రాతినిధ్యం వహిస్తున్న పార్టీల అధ్యక్షులతో ప్రధాని నరేంద్ర మోదీ సమావేశం కానున్నారు. 'ఒకే దేశం - ఒకే ఎన్నిక', 75వ స్వాతంత్య్ర వేడుకలు సహా పలు అంశాలపై చర్చించనున్నారు.

లోక్​సభ సహా అన్ని రాష్ట్రాల శాసనసభలకు ఒకేసారి ఎన్నికలు నిర్వహించే అంశమై నేడు అఖిల పక్ష భేటీ జరగనుంది. ప్రధానమంత్రి నరేంద్రమోదీ అధ్యక్షతన సమావేశం నిర్వహించనుంది ప్రభుత్వం. ఈ మేరకు పార్లమెంటులో ప్రాతినిధ్యం వహిస్తున్న అన్ని పార్టీల అధ్యక్షులకు పార్లమెంటరీ వ్యవహారాల మంత్రి ప్రహ్లాద్ జోషి లేఖలు రాశారు.

సమావేశంలో కీలక అంశాలు

• పార్లమెంటు ఔన్నత్యాన్ని పెంపొందించడం.
• ఒకే దేశం- ఒకే ఎన్నిక
• 75 ఏళ్ల స్వాతంత్య్ర వేడుకలు
• మహాత్మాగాంధీ 150వ జయంతి నిర్వహణ
• వెనుకబడిన జిల్లాల అభివృద్ధి

ఈ ఐదు అంశాలపై చర్చించేందుకు హాజరుకావాలని కేంద్రం తన లేఖలో పేర్కొంది.

ఇదీ చూడండి: ప్రధానితో భేటీకి వచ్చేదిలేదు: మమతా బెనర్జీ