మంత్రి పీఏ కిడ్నాప్​- 3 గంటల తర్వాత రిలీజ్

తమిళనాడు తిరుపూర్​లో పట్టపగలే కొందరు దుండగులు మంత్రి ఉడుములై రాధాకృష్ణన్​ పీఏను అపహరించారు. మంత్రి కార్యాలయం నుంచి కిడ్నాప్​ చేసిన దృశ్యాలు సీసీటీవీలో రికార్డయ్యాయి. 3 గంటల తర్వాత విడిచిపెట్టి.. నిందితులు పరారయ్యారు.

తమిళనాడు పశుసంవర్ధక శాఖ మంత్రి ఉడుములై రాధాకృష్ణన్​ పీఏ కర్ణన్​ను నలుగురు గుర్తుతెలియని వ్యక్తులు కిడ్నాప్​ చేశారు. ఉడుములై అన్సారీ రోడ్డులోని మంత్రి కార్యాలయం నుంచే బుధవారం 11.30 గంటల సమయంలో ఎత్తుకెళ్లారు. సీసీటీవీలో ఈ దృశ్యాలు రికార్డయ్యాయి.

దాదాపు 3 గంటల తర్వాత.. అపహరించిన చోటు నుంచి 10 కి.మీ. దూరంలో కర్ణన్​ను విడిచిపెట్టి కిడ్నాపర్లు పరారయ్యారు. ఆ వ్యక్తిని ఎందుకు తీసుకెళ్లారో ఇంకా తెలియలేదు.

ఉడుములై రాధాకృష్ణన్​ పీఏ కర్ణన్

సీసీటీవీ ఫుటేజీ ఆధారంగా నిందితుల కోసం ప్రత్యేక బృందాలతో గాలిస్తున్నారు పోలీసులు.