కరోనా.... యావత్ ప్రపంచాన్ని వణికిస్తున్న మహమ్మారి. అగ్ర దేశాల వైద్య నిపుణులు కూడా ఈ వైరస్ను ఎలా ఎదుర్కోవాలో తెలియక తలలు పట్టుకుంటున్నారు. చెన్నైకి చెందిన ఓ ఆయుర్వేద వైద్యుడు మాత్రం తన వద్ద కరోనా వ్యాధికి ఔషధం ఉందని చెబుతున్నారు. దీంతో 24 నుంచి 40 గంటల్లోనే వ్యాధి నయమవుతుందని అంటున్నారు.
చెన్నైలోని రత్న సిద్ధ ఆస్పత్రిలో ఆయుర్వేద వైద్యులుగా ఉన్నారు డా. థనికసాలం వేణి. కరోనా వ్యాధిని నయం చేసేందుకు అవసరమైన ఔషధాన్ని వనమూలికలతో తయారు చేసినట్లు తెలిపారు. మరికొందరు సభ్యులతో కలిసి దీనిని కనుగొన్నట్లు చెప్పారు.
"వన మూలికల ద్వారా ఈ ఔషధాన్ని కనుగొన్నాం. ఎలాంటి జ్వరాన్నైనా ఇది నయం చేయగలదు. కరోనా వైరస్కు మందు లేదు. చైనాలోని వుహాన్లో ఈ వ్యాధి బారిన పడి చాలా మంది మరణించారు. వైద్య నిపుణులు దీనికి ఔషధాన్ని కనుగొనలేకపోతున్నారు. మా ఆయుర్వేద ఔషధం డెంగీ, ప్రమాదకర జ్వరాలను నయం చేస్తుంది. కరోనా వైరస్పైనా ఈ ఔషధం ప్రభావం చూపుతుందనే నమ్మకం ఉంది."
-డా. థనికసాలం వేణి, ఆయుర్వేద వైద్యులు.