ఆ సొరంగంలో నడిస్తే కరోనా వైరస్​ ఖతం​!

తమిళనాడు తిరుప్పూర్​లో దేశంలోనే మొదటి క్రిమిసంహారక టన్నెల్ ఏర్పాటు చేశారు. కరోనాను నియంత్రించేందుకే ఇలా చేసినట్లు తెలిపారు జిల్లా కలెక్టర్​ విజయ కార్తికేయన్.

కరోనా వైరస్​ను నియంత్రించేందుకు తమిళనాడులోని తిరుప్పూర్​ జిల్లా యంత్రాంగం వినూత్న ప్రయత్నం చేసింది. తెన్నంపాలయం మార్కెట్​లో దేశంలోనే మొట్టమొదటిసారిగా క్రిమిసంహారక సొరంగం ఏర్పాటు చేసింది.

కె.విజయ కార్తికేయన్

"మేము తిరుప్పూర్​లోని తెన్నంపాలయం మార్కెట్​లో మొదటిసారి క్రిమిసంహారక సొరంగం ఏర్పాటు చేశాం. ప్రజలు మార్కెట్​లోని ప్రవేశించే ముందు చేతులు శుభ్రం చేసుకోవాలి. తరువాత ఈ టన్నెల్​ గుండా 3-5 సెకెన్ల పాటు నడవాలి. ఇందుకు సహకరిస్తున్న తిరుప్పూర్ ప్రజలకు ధన్యవాదాలు." - కె.విజయ కార్తికేయన్, తిరుప్పూర్ జిల్లా కలెక్టర్​ ట్వీట్​

రైతు బజార్​లో ఏర్పాటు చేసిన ఈ కరోనా సంహారక సొరంగం తిరుప్పూర్ జిల్లా చరిత్రలో ఒక మైలు రాయిగా మిగిలిపోతుందన్నారు కలెక్టర్ విజయ కార్తికేయన్.

వయా నిజాముద్దీన్​

దిల్లీ నిజాముద్దీన్​లో జరిగిన మత ప్రార్థనలకు వెళ్లి వచ్చిన 39 మంది ప్రస్తుతం జిల్లాలో ఉన్నారని, వారు వైద్యుల పర్యవేక్షణలో ఉన్నారని కలెక్టర్​ విజయ కార్తికేయన్ వెల్లడించారు. ఇప్పటి వరకు వారిలో కరోనా లక్షణాలు కనిపించలేదని, అయినా నిబంధనల ప్రకారం వారందరినీ నిర్బంధంలో ఉంచినట్లు స్పష్టం చేశారు.

ప్రస్తుతం తిరుప్పూర్​లో 1,312 మంది తమ ఇళ్లలోనే స్వీయ నిర్బంధంలో ఉన్నారు.

ఇదీ చూడండి:కరోనాపై యుద్ధంలో 'మోదీ టీమ్​' పని చేస్తుందిలా...