మాట వినని 'పులి'కి క్వారంటైన్​!

పదేపదే జనావాసాల్లోకి వస్తున్న పులిని.. భోపాల్​ వన్​ విహార్​ జాతీయ పార్కులో క్వారంటైన్​లో ఉంచారు. ఇప్పటికే ఎందరినో భయబ్రాంతులకు గురిచేసి ఇద్దరిని బలి తీసుకుంది ఈ పులి.

అడవిలో బతకమని ఎన్నిసార్లు తీసుకెళ్లి వదిలినా... జనావాసాల్లోకి రావడం మానలేదు ఓ పులి. దీంతో విసుగెత్తిపోయిన అటవీ అధికారులు ఆ వన్యమృగాన్ని మధ్యప్రదేశ్​లోని భోపాల్ 'వన్​ విహార్​ జాతీయ పార్కు'లో క్వారంటైన్​లో ఉంచారు. ​

ఇద్దరు బలి

'సరన్‌'గా పిలిచే ఈ పులి మహారాష్ట్ర సరిహద్దుల్లోని జనావాసాల్లో తిరుగుతూ ఉండగా 2018లో గుర్తించారు. అప్పటికే ప్రజల్లో తీవ్ర భయాందోళన సృష్టించిన ఈ పులి ఇద్దరు వ్యక్తులను బలి తీసుకుంది. అతి కష్టం మీద ఈ పులిని అటవీ అధికారులు 2018 డిసెంబరు 11న మధ్యప్రదేశ్​లో పట్టుకుని సాత్​పురా​ పులుల సంరక్షణ కేంద్రానికి తరలించారు.

కానీ అక్కడ నుంచి తప్పించుకున్న సరన్​.. మరోసారి జనవాసాల్లోకి వచ్చింది. అధికారులు 2019 ఫిబ్రవరి 10న పట్టుకుని కన్హా పులుల సంరక్షణ కేంద్రానికి తరలించారు. అయినప్పటికీ తప్పించుకుని జనావాసాల్లో సంచరిస్తూ ప్రజలకు కంటిమీద కునుకు లేకుండా చేసింది.

చివరకు విసుగెత్తిపోయిన అధికారులు.. ఈ సారి భోపాల్​ వన్ విహార్​ జాతీయ పార్కులో క్వారంటైన్​లో ఉంచారు. దీంతో ఆ పార్కులో 14కు చేరింది పులుల సంఖ్య.

ఇదీ చూడండి :అన్​లాక్​ 1.0: సోమవారం ఆతిథ్యం, పర్యటకం షురూ