లైవ్​ వీడియో: విష సర్పంతో కుక్కల ఫైట్​

కర్ణాటక బెంగళూరులో మూడు పెంపుడు కుక్కలు, నాగుపాముతో భీకరంగా పోరాడి, చంపాయి. తమ యజమానికి ఎలాంటి ఆపద కలగకూడదని ఇలా చేశాయి. పాము- కుక్కల పోరాట దృశ్యాలు ఇప్పుడు సామాజిక మాధ్యమాల్లో వైరల్ అవుతున్నాయి.

విశ్వాసానికి చిహ్నం అంటే మనకు టక్కున గుర్తు వచ్చేది కుక్క. నమ్మిన యజమాని కోసం ప్రాణాలకు సైతం తెగిస్తాయి. ఇదే విషయాన్ని మరోసారి నిరూపిస్తూ.... యజమాని కోసం ప్రాణాంతక నాగుపాముతో పోరాటం చేశాయి మూడు శునకరాజాలు.

బెంగళూరు జిల్లా దేవనహళ్లి సమీపంలోని పురా గ్రామంలో ఉండే క్రిష్ణప్పకు మూడు పెంపుడు కుక్కలు ఉన్నాయి. ఓ నాగుపాము క్రిష్ణప్ప ఇంటిలోకి వెళ్లడానికి ప్రయత్నించింది. ఇది పసిగట్టిన ఈ మూడు కుక్కలు ఒక్కసారిగా పాముపై విరుచుకుపడ్డాయి. పాము కాటువేయకుండా ఒడుపుగా తప్పించుకుంటూ, హోరాహోరీగా పోరాడాయి. చివరకు సర్పాన్ని చంపేశాయి.

పాము-కుక్కల పోరాట దృశ్యాలను ఓ వ్యక్తి సామాజిక మాధ్యమాల్లో ఉంచాడు. ప్రస్తుతం ఈ వీడియో వైరల్ అవుతోంది.

ఇదీ చూడండి: ఖాకీ కళాకారుడికి లాఠీనే ఫ్లూటు