సింహం సింగిల్​గా రోడ్డెక్కి దాహం తీర్చుకుంది!

అడవిని వదిలి ఓ సింహం నడిరోడ్డుపైకి వచ్చి దర్జాగా నీరు తాగింది. ఈ అరుదైన దృశ్యాన్ని చూసేందుకు వాహనదారులంతా కాసేపు అలానే నిలిచిపోయారు. ఈ వీడియో ఇప్పుడు వైరల్​ అవుతోంది.

గుజరాత్​ ఢారీ-ఉన రహదారిపై ఓ అరుదైన దృశ్యం కెమెరాకు చిక్కింది. రోడ్డు పక్కనే ఉన్న చిన్న కుంటలో నీళ్లు తాగుతున్న సింహరాజు దర్పం చూపరులను కట్టిపడేస్తోంది.

గుజరాత్​​లో భారీ వర్షాల కారణంగా రోడ్ల పక్కన గుంటల్లో నీరు చేరింది. అడవి పక్కనే ఉన్న రహదారిపైకి దర్జాగా వచ్చిన సింహం... వర్షపు నీటితో దాహం తీర్చుకుంది. నడిరోడ్డుపై సింహాన్ని చూసి ఖంగుతిన్న వాహనదారులు 20 మీటర్ల దూరంలోనే వాహనాలన్నీ నిలిపేశారు.

ఇదీ చూడండి: వైరల్​: మన్యం పులి వర్సెస్​ పార్క్​​ పులి!