రాజ్యసభ 250వ సెషన్​.. మోదీ 'ప్రత్యేక' ప్రసంగం

14:45 November 18

ఎన్సీపీ, బీజేడీపై మోదీ ప్రశంసలు

• మన వ్యవస్థలో లోక్‌సభ ఒక తీరమైతే, మరో తీరం రాజ్యసభ అని వాజ్‌పేయీ అన్నారు: ప్రధాని
• సభను అడ్డుకోవడం కన్నా చర్చా మార్గాన్ని ఎంచుకోవడం మంచిది: ప్రధాని
• సభ మధ్యలోకి వెళ్లకూడదని ఎన్సీపీ, బీజేడీ నిర్ణయించాయి: ప్రధాని
• ఆ నిర్ణయం కారణంగా ఆ పార్టీలకు రాజకీయంగా ఎటువంటి నష్టం వాటిల్లలేదు: ప్రధాని
• ఎన్సీపీ, బీజేడీ అనుసరిస్తున్న తీరును భాజపా కూడా పాటించాలని కోరుతున్నా: ప్రధాని

14:42 November 18

ఆర్టికల్‌ 370పై రాజ్యసభలో మోదీ ప్రసంగం

• ఆర్టికల్‌ 370ను ఈ సభే ఆమోదించింది, ఈ సభే దాన్ని తొలగించింది: ప్రధాని
• కేంద్ర, రాష్ట్రాలు కలిసి పనిచేస్తే దేశం అభివృద్ధి చెందుతుంది: ప్రధాని
• కేంద్ర, రాష్ట్ర ప్రభుత్వాలు ప్రత్యర్థులు కావు, భాగస్వాములనే విషయాన్ని ఇక్కడి సభ్యులు చెప్పాలి: ప్రధాని
• రాష్ట్రాల అభివృద్ధి లేకుండా దేశాభివృద్ధి సాధ్యం కాదు.. ఈ విషయాన్ని ఈ సభ ప్రతిబింబిస్తుంది: ప్రధాని
• 200వ సమావేశాలప్పుడు ప్రధానిగా వాజ్‌పేయీ ఉన్నారు: ప్రధాని
• పెద్దల సభను సెకండరీ హౌస్‌గా మార్చొద్దని వాజ్‌పేయీ హెచ్చరించారు: ప్రధాని
• రాజ్యసభ మద్దతు ఇచ్చే సభగా ఉండాలి: ప్రధాని

14:36 November 18

రాజ్యసభలో మోదీ అంబేడ్కర్​ స్మరణ

• లోక్‌సభ సభ్యులు క్షేత్రస్థాయి అంశాలను చూస్తే రాజ్యసభ దూరతీరాలు చూస్తుంది: ప్రధాని
• ఈ సభ చరిత్ర సృష్టించింది, చరిత్రను చూసింది, చరిత్రను మార్చడంలోనూ కృషి చేసింది: ప్రధాని
• రాజ్యసభ శాశ్వత సభ, ఇది రద్దు కాదు, ఇక్కడకి సభ్యులు వస్తుంటారు వెళ్తుంటారు: ప్రధాని
• భారత సమాఖ్య విధానానికి రాజ్యసభ ఆత్మవంటిది: ప్రధాని
• విభిన్న రంగాల్లో నిష్ణాతులైన వారి అనుభవాలు దేశానికి ఉపయోగపడేలా రాజ్యసభ సహకరిస్తుంది: ప్రధాని
• దీనికి సరైన ఉదాహరణ బి.ఆర్‌.అంబేడ్కర్‌: ప్రధాని
• అంబేడ్కర్‌ వలన దేశానికి ఎంతో మేలు కలిగింది: ప్రధాని
• ఈ సభలో నిరంకుశత్వం ప్రబలకుండా సభ్యులు చూశారు: ప్రధాని
• మన ఆలోచనలు, తీరు, విధానాలే ఉభయసభల ఔన్నత్యాన్ని చాటిచెబుతాయని డాక్టర్‌ రాధాకృష్ణన్ తెలిపారు: ప్రధాని
• డాక్టర్‌ రాధాకృష్ణన్‌ చెప్పిన మాటల విలువను తగ్గిస్తున్నామా, పెంచుతున్నామా అన్నది మనం గుర్తించాలి: ప్రధాని
• అనేక విషయాలను కొత్త కోణంలో చూసే అదృష్టం నాకు కలిగింది: ప్రధాని
• ముమ్మారు తలాక్ బిల్లు ఇక్కడ వీగిపోతుందనుకున్నారు.. కానీ ఇక్కడా ఆమోదం పొందింది: ప్రధాని
• వన్‌ నేషన్, వన్‌ ట్యాక్స్ బిల్లును ఏకగ్రీవంగా ఆమోదించి ఈ సభ ఎంతో ప్రేరణ అందించింది: ప్రధాని
• దేశానికి దిశానిర్దేశం చేసే పనిని తొలుత రాజ్యసభ చేపట్టింది, తర్వాతే లోక్‌సభ చేపట్టింది: ప్రధాని

14:25 November 18

రాజ్యసభలో ప్రధాని ప్రసంగం

• రాజ్యసభ 250వ సమావేశం సందర్భంగా రాజ్యసభలో ప్రధాని ప్రసంగం
• రాజ్యసభ సభ్యులందరికీ శుభాకాంక్షలు తెలిపిన ప్రధాని
• కాలం, పరిస్థితులు మారుతున్నాయి.. కాలంతో పాటు మారేందుకు ఈ సభ కృషి చేసింది: ప్రధాని
• ఈ మహోన్నత ఘట్టంలో పాల్గొనడం నా అదృష్టంగా భావిస్తున్నాను: ప్రధాని
• ఒక సభ ఉండాలా, రెండు ఉండాలా అని రాజ్యాంగ సభలో చర్చ జరిగింది: ప్రధాని

14:22 November 18

మోదీ ప్రత్యేక ప్రసంగం

రాజ్యసభ 250వ సెషన్​ సందర్భంగా.. ప్రధానమంత్రి నరేంద్ర మోదీ ప్రత్యేక ప్రసంగం చేస్తున్నారు.

13:52 November 18

రాజ్యసభ 250వ సెషన్​.. మోదీ 'ప్రత్యేక' ప్రసంగం

రాజ్యసభ 250వ సమావేశం సందర్భంగా పెద్దలసభలో ప్రత్యేక చర్చ జరిగింది. భారత రాజకీయాల్లో రాజ్యసభ పాత్రపై ఛైర్మన్​ వెంకయ్యనాయుడు సభ్యులకు వివరించారు. రాజ్యసభ మరింత మెరుగ్గా పనిచేసేందుకు 10 సూచనలు చేసిన వెంకయ్యనాయుడు.. 67 ఏళ్ల రాజ్యసభ ప్రయాణాన్ని సునిశితంగా పరిశీలించాలని సభ్యులను కోరారు. 

•  ఆత్మపరిశీలన చేసుకోవడానికి ఇది తగిన సమయం : రాజ్యసభ ఛైర్మన్‌వెంకయ్యనాయుడు
• స్వాతంత్ర్యం వచ్చిన సమయంలో భారత్‌అనేక సమస్యలు ఎదుర్కొంది: వెంకయ్యనాయుడు
• 1952లో హిందూ వివాహ చట్టం నుంచి 2019లో ముస్లిం మహిళల హక్కుల వరకు అనేక చట్టాలు చేశాం
• 5466 పని దినాలు పూర్తి చేసుకున్న రాజ్యసభ
• మనం చేసిన పనులను గుర్తుచేసుకొని వెన్ను తట్టుకునే సమయం ఇది: వెంకయ్యనాయుడు
• 1952లో కొలువుదీరిన నాటి నుంచి రాజ్యసభ ఎన్నో చట్టాలు చేసింది: వెంకయ్యనాయుడు
• లోక్‌సభ ఆమోదించిన బిల్లులకు రాజ్యసభ అడ్డంకిగా నిలవకూడదు: వెంకయ్యనాయుడు
• మాజీ రాష్ట్రపతి ప్రణబ్‌ముఖర్జీ రాసిన వ్యాసాన్ని ప్రస్తావించిన వెంకయ్యనాయుడు