దిల్లీ హింసలో మరో 50మందికి నోటీసులు

ఈ నెల 26న ఎర్రకోట ఘటనకు సంబంధించి కొత్తగా మరో 50 మందికి నోటీసులు జారీ చేశారు దిల్లీ పోలీసులు. అంతకుముందు 44 మందికి నోటీసులు పంపారు. దిల్లీ హింసకు కారణమైన అనుమానితులను గుర్తించి వారికి నోటీసులు పంపామని...ఈ విధానాన్ని కొనసాగిస్తామని పోలీస్​ అధికారి తెలిపారు.

ట్రాక్టర్​ ర్యాలీ హింసలో ఎర్రకోట ఘటనకు సంబంధించి కొత్తగా మరో 50 మందికి నోటీసులు జారీ చేశారు దిల్లీ పోలీసులు. అంతకుముందు 44 మందికి నోటీసులు పంపారు. దిల్లీ హింసకు కారణమైన అనుమానితులను గుర్తించి వారికి నోటీసులు పంపామని.. ఈ ప్రక్రియను కొనసాగిస్తామని స్పష్టం చేశారు.

మరోవైపు రైతులను తప్పుదోవ పట్టించి.. ఎర్రకోట వైపు మళ్లించిన వీడియోలను సేకరించినట్లు క్రైం బ్రాంచ్ పోలీసులు తెలిపారు. ట్రాక్టర్ రిజిస్ట్రేషన్ నెంబర్లను సంబంధిత లైసెన్స్​ అథారిటీకి ఇచ్చినట్లు వివరించారు. దీంతో పాటు ట్రాక్టర్ యజమానులకు గుర్తించి వారికీ నోటీసులు జారీచేశామన్నారు. దేశరాజధానితో పాటు పంజాబ్​, హరియాణాలోనూ దిల్లీ పోలీసులు బృందాలుగా ఏర్పడి దర్యాప్తు చేస్తున్నారని వివరించారు. ఫోరెన్సిక్​ నిపుణులు సైతం ఘాజిపుర్, ఎర్రకోట, ఐటీఓ కార్యాలయం తదితర ప్రాంతాల్లో తనిఖీలు జరిపి ఆధారాలను సేకరించే పనిలో ఉన్నట్టు స్పష్టం చేశారు.

1700 వీడియో క్లిప్పింగ్స్

శనివారం నాటికి దిల్లీ హింసకు సంబంధించి 1700 వీడియో క్లిప్పింగ్స్​ను సేకరించారు పోలీసులు. ఈ ఆధారాలను పరిశీలించేందుకు జాతీయ ఫోరెన్సిక్ సైన్సెస్ యూనివర్సిటీకి ఇచ్చినట్లు పోలీసులు తెలిపారు.

నూతన వ్యవసాయ చట్టాలను రద్దు చేయాలని డిమాండ్​ చేస్తూ జనవరి 26న రైతులు దిల్లీలో చేపట్టిన ట్రాక్టర్​ ర్యాలీ హింసాత్మకంగా మారింది. ఆందోళనకారులు ఎర్రకోట వద్దకు చేరుకుని ఓ మతానికి చెందిన జెండాను ఎగురవేశారు. అదే సమయంలో వివిధ ప్రాంతాల్లో రైతులు- పోలీసులకు మధ్య ఘర్షణ చెలరేగింది.

ఇదీ చదవండి :సాగు చట్టాలపై​ పవార్​ ట్వీట్ల​కు తోమర్​ కౌంటర్​​