'ఇంకా విషమంగానే ప్రణబ్​ ఆరోగ్య పరిస్థితి'

మాజీ రాష్ట్రపతి ప్రణబ్​ ముఖర్జీ ఆరోగ్య పరిస్థితిలో ఎటువంటి మార్పు లేదని దిల్లీలోని ఆర్మీ ఆసుపత్రి వైద్యులు తెలిపారు. ఇప్పటికీ వెంటిలేటర్​పైనే చికిత్స అందిస్తున్నట్లు చెప్పారు.

భారత మాజీ రాష్ట్రపతి ప్రణబ్ ముఖర్జీ ఆరోగ్యం ఇంకా విషమంగానే ఉందని దిల్లీలోని ఆర్మీ ఆసుపత్రి వైద్యులు ప్రకటించారు. వెంటిలేటర్​ సాయంతోనే ప్రణబ్​కు చికిత్స అందిస్తున్నట్లు తెలిపారు. కీలకమైన పారామితులు స్థిరంగా ఉన్నట్లు వెల్లడించారు. ఎప్పటికప్పడు ఆయన్ను నిశితంగా పరిశీలిస్తున్నట్లు చెప్పారు.

మెదడుకు సంబంధించి శస్త్రచికిత్స కోసం ఆర్మీ ఆసుపత్రిలో చేరారు ప్రణబ్. అప్పటికే ఆయనకు కరోనా సోకినట్లు వైద్యులు నిర్ధరించారు. ఈనెల 10న ఆపరేషన్​ నిర్వహించారు.

ఇదీ చూడండి:పోలీస్ స్టేషన్​లో 16 నాగరాజులు మకాం!