నియంత్రణ రేఖ వెంబడి ఉగ్రవాదుల ఏరివేత కొనసాగుతోంది. జమ్ముకశ్మీర్లోని వేర్వేరు ప్రాంతాల్లో ముష్కరులు నక్కిఉన్నారన్న పక్కా సమాచారంతో నిర్బంధ తనిఖీలు చేపట్టింది భారత సైన్యం. ఈ ఘటనలో ఓ ముష్కరుడు హతమయ్యాడు.
తొలుత పుల్వామా జిల్లా పాంపోర్లో భారత దళాలకు.. ఉగ్రవాదులున్నారన్న సమాచారం అందింది. నిర్బంధ తనిఖీలు చేపట్టగా.. కాల్పులకు తెగబడ్డారు ముష్కరులు. దీటుగా తిప్పికొట్టిన భద్రతా సిబ్బంది ఒకరిని మట్టుబెట్టింది. తప్పించుకునేందుకు మరో ఉగ్రవాది మసీదులోకి వెళ్లినట్లు తెలుస్తోంది. గాలింపు చర్యలు కొనసాగుతున్నాయి.
అనంతరం.. షోపియాన్ జిల్లా మునంద్ ప్రాంతంలో మరో ఎన్కౌంటర్ చెలరేగింది. ముష్కరుల దాడులను భారత సైన్యం దీటుగా తిప్పికొడుతోంది.