కేరళలోని కోజికోడ్ విమాన ప్రమాద స్థలాన్ని కేంద్ర విమానయాన శాఖ మంత్రి హర్దీప్సింగ్ పూరి పరిశీలించారు. మృతుల కుటుంబాలకు రూ.10 లక్షల పరిహారాన్ని ప్రకటించారు. తీవ్రంగా గాయపడిన బాధితులకు రూ.2 లక్షలు.. స్వల్పంగా గాయపడిన వారికి రూ.50 వేల పరిహారం ఇస్తామని చెప్పారు.
రాష్ట్రప్రభుత్వం
కేరళ రాష్ట్ర ప్రభుత్వం కూడా విమాన ప్రమాదంలో మరణించిన కుటుంబాలకు రూ.10 లక్షల పరిహారం ప్రకటించింది. ఈ మేరకు కోజికోడ్ జిల్లాలో ఉన్నత స్థాయి సమావేశం అనంతరం సీఎం పినరయి విజయన్ ఈ మేరకు ప్రకటన విడుదల చేశారు. అనంతరం ఆసుపత్రుల్లో బాధితులను పరామర్శించారు ముఖ్యమంత్రి.
మరోవైపు విమాన ప్రమాదంపై దర్యాప్తును ముమ్మరం చేశారు అధికారులు. బ్లాక్‌బాక్స్‌ను స్వాధీనం చేసుకున్నట్లు వెల్లడించారు. ఈ ప్రమాదంలో మృతుల సంఖ్య 19కి చేరింది. 22 మంది పరిస్థితి విషమంగా ఉంది. మరో 149 మంది వివిధ ఆసుపత్రుల్లో చికిత్స పొందుతున్నారు. చిన్న గాయాలతో బయటపడిన 23 మంది తమ ఇళ్లకు వెళ్లిపోయారు.
ఇదీ చూడండి:భేష్‌..కరోనా భయం వెంటాడినా సాహసించారు
