అమెరికా అధ్యక్షుడు డొనాల్డ్ ట్రంప్ వచ్చి బిహార్కు ప్రత్యేక హోదాను ప్రకటించరని.. నితీశ్ ప్రభుత్వాన్ని ఉద్దేశించి ఎద్దేవా చేశారు ఆర్జేడీ నేత, మహాకుటమి ముఖ్యమంత్రి అభ్యర్థి తేజస్వీ యాదవ్. జేడీయూ- భాజపా కలిసి బిహార్ ప్రజలను వెన్నుపోటు పొడిచాయని ఆరోపించారు.
బిహార్ ఎన్నికలకు మహాకూటమి మేనిఫెస్టోను విడుదల చేశారు తేజస్వీ. ఈ సందర్భంగా.. బిహార్లో ముఖ్యమంత్రి నితీశ్కుమార్ నేతృత్వంలోని ఎన్డీఏ పాలనపై విమర్శలు గుప్పించారు.
"బిహార్లో రెండు పార్టీల చేతుల్లో ప్రభుత్వం నడుస్తోంది. రాష్ట్రాన్ని 15ఏళ్ల నుంచి నితీశ్ కుమార్ పాలిస్తున్నారు. కానీ రాష్ట్రానికి ప్రత్యేక హోదా లభించలేదు. అమెరికా అధ్యక్షుడు డొనాల్డ్ ట్రంప్ వచ్చి ప్రత్యేక హోదాను ప్రకటించరు. జేడీయూ-భాజపా కలిసి బిహార్ ప్రజలకు వెన్నుపోటు పొడిచారు. దాదాపు 60 కుంభకోణాలు బయటపడ్డాయి."
--- తేజస్వీ యాదవ్, ఆర్జేడీ నేత.
'హామీలు నెరవేరుస్తాం..'
తనను తాను ఓ స్వచ్ఛమైన బిహారీగా అభివర్ణించుకున్నారు తేజస్వీ యాదవ్. నవరాత్రి ప్రారంభమైన రోజున మేనిఫెస్టోను విడుదల చేస్తున్నామని.. ఇచ్చిన హామీలను నెరవేరుస్తామని తేజస్వీ యాదవ్ వెల్లడించారు. నిరుద్యోగ సమస్యపై పోరాటంతో ముందుకు సాగుతున్నట్టు స్పష్టం చేశారు.
ఇదీ చూడండి:-బిహార్ బరి: తేజస్వీ ఓటమే లక్ష్యంగా భాజపా వ్యూహం
మేనిఫెస్టోలోని ముఖ్యాంశాలు..
- అధికారంలోకి వచ్చిన వెంటనే 10లక్షల మంది యువతకు ఉద్యోగాలు. ఇందుకోసం తొలి కేబినెట్ భేటీలోనే నిర్ణయం.
- ప్రభుత్వ ఉద్యోగాలకు సంబంధించిన పత్రాలు ఉచితంగా అందజేత.
- పరీక్షా కేంద్రాలకు వెళ్లే అభ్యర్థుల రవాణా ఖర్చులను భరించడం.
- ప్రజలకు సహాయం చేసేందుకు రాష్ట్రవ్యాప్తంగా 'కరుపురి శ్రమ్ వీర్ సహాయత' కేంద్రాల ఏర్పాటు.
- రాష్ట్రంలో ప్రపంచస్థాయి మౌలిక వసతుల కల్పన.
- 'స్మార్ట్ గ్రామ్ యోజన' కింద ప్రతి పంచాయతీలో.. వైద్యుడు, నర్సుతో కూడిన క్లీనిక్ ఏర్పాటు.
- వ్యవసాయ చట్టాలను రద్దు చేసేందుకు తొలి శాసనసభ సమావేశంలోనే బిల్లు.
కాంగ్రెస్, సీపీఐ, సీపీఎమ్లు మహాకూటమిలో భాగంగా ఉన్నాయి. తేజస్వీ యాదవ్ ముఖ్యమంత్రి అభ్యర్థిగా కూటమి ముందుకు సాగుతోంది. మేనిఫెస్టో విడుదల కార్యక్రమంలో కాంగ్రెస్ నేత రణ్దీప్ సుర్జేవాలా, శక్తిసిన్హ గోహిల్తో పాటు ఇతరులు పాల్గొన్నారు.
మాహాకూటమి మేనిఫెస్టో విడుదల కార్యక్రమం 243 అసెంబ్లీ స్థానాలకు మూడు దశల్లో ఎన్నికలు జరగనున్నాయి. ఈ నెల 28, వచ్చే నెల 3,7 తేదీల్లో ప్రజలు తమ ఓటు హక్కును వినియోగించుకోనున్నారు. అదే నెల 10న ఫలితాలు వెలువడనున్నాయి.
ఇదీ చూడండి:-బిహార్ ఎన్నికల సమరంలో 'మోదీ డూప్'
