ముఖ్యమంత్రి నితీశ్ కుమార్ నేతృత్వంలోని ఈ ప్రభుత్వంలో 60 కుంభకోణాలు చోటుచేసుకున్నాయని శనివారం మహాగట్‌ బంధన్ ముఖ్యమంత్రి అభ్యర్థి తేజస్వీ యాదవ్ విమర్శలు చేశారు. వాటి విలువ రూ.30 వేల కోట్లు ఉంటుందని వెల్లడించడం సహా..వాటికి ఆధారమిదే అంటూ ప్రధాని మోదీ మాట్లాడుతున్న వీడియో ఒకదాన్ని ట్విట్టర్లో షేర్ చేశారు. రాష్ట్ర ప్రభుత్వం 30కుపైగా కుంభకోణాలకు పాల్పడిందంటూ మోదీ వ్యాఖ్యానించడం అందులో కనిపిస్తుంది.
"గౌరవనీయులైన నితీశ్ కుమార్ ప్రభుత్వంలో 60కిపైగా కుంభకోణాలు జరిగాయి. వాటి విలువ 30వేల కోట్లకు పైమాటే. వాటిలో 33 కుంభకోణాల గురించి ఐదు సంవత్సరాల క్రితం స్వయంగా ప్రధాని మోదీనే వెల్లడించారు. మీకోసం ఒకసారి దీన్ని వినండి"