విశ్వకవి రవీంద్రనాథ్ ఠాగూర్ సిద్ధాంతాలను, ఆశయాలను పరిరక్షించుకోవాలని బంగాల్ సీఎం మమతా బెనర్జీ పిలుపునిచ్చారు. విశ్వభారతి విశ్వవిద్యాలయం శతాబ్ది ఉత్సవాల సందర్భంగా గురువారం ఆమె ఈ వ్యాఖ్యలు చేశారు.
"విశ్వభారతి విశ్వవిద్యాలయం స్థాపించి 100 ఏళ్లు అవుతోంది. ఆదర్శ వ్యక్తులను తీర్చిదిద్దడం కోసం రవీంద్రనాథ్ ఠాగూర్ జరిపిన ప్రయోగ ఫలితమే ఈ విద్యాలయం."
-మమతా బెనర్జీ, బంగాల్ సీఎం.
బంగాల్.. గుజరాత్ కావద్దు
బుధవారం జరిగిన సంగీత్ మేళా-2020 కార్యక్రమంలో పాల్గొన్న మమత.. భాజపాపై పరోక్షంగావిమర్శలు గుప్పించారు. బంగాల్ను గుజరాత్లా మారనివ్వను అని అన్నారు.
"మన నేలను గౌరవించడం, దానిని కాపాడుకోవడం మన బాధ్యత. బంగాల్ను ఎవరూ నాశనం చేయలేరు. రాష్ట్రాన్ని మరో గుజరాత్ కానివ్వను.
సంగీతానికి అవధులు ఉండవు. అలాగే సంగీతలోకం ఎలాంటి భేదాలను నమ్మదు. ఇదే మన జీవితానికి కూడా వర్తిస్తుంది. మన వేషధారణలు వేరుగా ఉన్నా మనంమందరం ఒక్కటే. విభజించాలని యత్నించేవారికి ఆ అవకాశం ఇవ్వకండి." -మమతా బెనర్జీ, బంగాల్ ముఖ్యమంత్రి
ప్రజల్లో కరోనా పట్ల భయభ్రాంతులను పోగొట్టి, తగిన జాగ్రత్తలు పాటిస్తూ ముందుకు సాగడంపై అవగాహన కల్పించేలా ప్రభుత్వం ఈ కార్యక్రమాలు ఏర్పాటు చేస్తోంది. జనవరి వరకు ఇటువంటివి 630 మేళాలు నిర్వహిస్తామని మమతా బెనర్జీ స్పష్టం చేశారు.
ఇదీ చదవండి :'మోదీ నిర్ణయాలతో రైతులు రోడ్డున పడ్డారు'
