సాధారణంగా మిఠాయిలపై పూత కోసం వెండిని వాడుతుంటారు కొందరు వ్యాపారులు. అయితే సూరత్‌కు చెందిన ఓ మిఠాయి దుకాణం యజమాని.. ఏకంగా బంగారం పూతను వాడి అందరినీ ఆశ్చర్యపరుస్తున్నారు. మామూలు సమయాల్లో కిలోకు రూ.600 నుంచి రూ. 800 పలికే ఆ మిఠాయి ధర.. బంగారం పూత కారణంగా కిలో రూ.9 వేలకు చేరింది. దీపావళి సమయంలో జరుపుకొనే చండీ పద్వో సందర్భంగా.. ఈ స్వీట్‌ను అమ్మకానికి ఉంచినట్లు మిఠాయి దుకాణం యజమాని రోహన్ తెలిపారు.
బంగారం పూతతో మిఠాయిలు.. ధర ఎంతో తెలుసా?
గోల్డ్ ఘరీ..
చండీ పద్వో పండుగ సమయంలో ప్రజలు స్వీట్లను పంచుతారు. ఇందుకు ఎక్కువ మంది ఘరీ అనే మిఠాయిను ఎక్కువగా ఉపయోగిస్తారు. ఈ నేపథ్యంలోనే.. 24 క్యారెట్ల బంగారంతో ప్రత్యేకంగా వీటిని తయారుచేశారు. ఈ మిఠాయిలను 'గోల్డ్ ఘరీ'గా పిలుస్తున్నారు.