'డెంటల్ కాలేజీల్లో సీట్ల భర్తీకి గడువు పెంపు'

దేశవ్యాప్తంగా డెంటల్​ కళాశాలల్లో ఖాళీగా ఉన్న సీట్లు భర్తీ చేయాలని ఆదేశించింది సుప్రీంకోర్టు. ఈ మేరకు జనవరి 31తో పాత గడువు తేదీ పూర్తవగా.. తాజాగా ఫిబ్రవరి 18 వరకు పెంచాలని ఆదేశాలు జారీ చేసింది.

దంత వైద్య కళాశాలల్లో ఖాళీగా ఉన్న 7 వేల సీట్లు భర్తీకి ఈ నెల 18 వరకు గడువు పొడిగించాలని ఆదేశించింది సుప్రీంకోర్టు. జనవరి 31తో పాత గడువు తేదీ ముగిసిన నేపథ్యంలో ఈ మేరకు ఉత్తర్వులు జారీ చేసింది.

అర్హత మార్కులు తగ్గింపు, గడువు అంశాలపై కేంద్ర ప్రభుత్వ నిర్ణయాన్ని తప్పుబట్టింది ధర్మాసనం. ప్రతిభ ఆధారంగా సీట్ల భర్తీ జరగాలని పేర్కొన్న సుప్రీంకోర్టు.. అర్హత మార్కుల శాతం తగ్గించాలని తెలిపింది. ఈ మేరకు జనరల్ కేటగిరీలో 10 శాతం, ఓబీసీ, ఎస్సీ, ఎస్టీలకు 15 శాతం తగ్గించాలని తెలిపింది.

అర్హత మార్కుల శాతం ఎక్కువగా ఉండటం వల్లే డెంటల్ కళాశాలల్లో సీట్లు ఖాళీగా ఉన్నాయని ఏపీ డెంటల్​ కళాశాల అసోసియేషన్ సహా పలు రాష్ట్రాల ప్రవేటు కాలేజీలు సుప్రీంకోర్టులో పిటిషన్ దాఖలు చేశాయి.

ఇదీ చూడండి:భాజపా నేతపై సిరా దాడి- నిందితులు అరెస్టు