కరోనా మహమ్మారిని అంతం చేయడానికి పరిశోధకులు సూపర్ కంప్యూటర్లనూ వినియోగిస్తున్నారు. వైరస్‌ని నివారించే కొత్త యాంటీ వైరల్‌ని గుర్తించేందుకు వీలుగా ఔషధాల డేటాబేస్‌ని, వివిధ దశల్లో ఉన్న పరిశోధనల సమాచారాన్ని వడపోస్తున్నారు. సాధారణ కంప్యూటర్లతో నెలల కాలం పట్టే ఈ పని.. సూపర్ కంప్యూటర్లతో వారాల్లోనే పూర్తికానుంది. అమెరికాలోని ఓక్రిడ్జ్‌ నేషనల్‌ ల్యాబ్‌లోని ‘సమ్మిట్‌’.. ప్రపంచంలోనే శక్తిమంతమైన సూపర్‌కంప్యూటర్‌. దీంతోపాటు జర్మనీలోని సూపర్ ఎంసీయూ-ఎన్‌జీ సూపర్‌కంప్యూటర్‌ని ఈ సమాచార శోధనలో వినియోగిస్తున్నారు.
కరోనా అంతానికి సూపర్ కంప్యూటర్లు..!
కరోనా వ్యాప్తి నియంత్రణకు పరిశోధకులు తీవ్రంగా శ్రమిస్తున్నారు. తాజాగా ఈ మహమ్మారిని తుదముట్టించేందుకు సూపర్ కంప్యూటర్లను వినియోగిస్తున్నారు పరిశోధకులు. వాటితో ఏం చేస్తారు అనుకుంటున్నారు కదూ?. మీరే చూడండి.
కరోనా అంతానికి సూపర్ కంప్యూటర్లు..!
యూరోపియన్‌ యూనియన్‌లో అతిపెద్ద పరిశోధన, ఆవిష్కరణ కార్యక్రమం ‘హారిజన్‌ 2020’. ఇందులోని జీవ ఔషధ గణన కేంద్రం అధినేత పీటర్‌ కొవిని, అమెరికా, యూరప్‌లకు చెందిన వంద మందికిపైగా పరిశోధకులు ఉమ్మడిగా ఈ కృషి చేస్తున్నారు.