జేఎన్​యూ దాడిని వ్యతిరేకిస్తూ దేశవ్యాప్త నిరసనలు

దిల్లీ జేఎన్​యూలో విద్యార్థులు, ప్రొఫెసర్లపై దాడికి వ్యతిరేకంగా దేశవ్యాప్తంగా నిరసనలు వెల్లువెత్తుతున్నాయి. దాడిని నిరసిస్తూ ప్రధాన నగరాల్లో విద్యార్థి సంఘాలు ఆందోళన బాట పట్టాయి.

దిల్లీ జవహార్​ లాల్​ నెహ్రూ విశ్వవిద్యాలయంలో విద్యార్థులపై జరిగిన దాడిని నిరసిస్తూ విద్యార్థి సంఘాలు ఆందోళన బాట పట్టాయి. దేశంలోని ప్రధాన నగరాల్లో నిరసన ర్యాలీలు చేపట్టాయి.

హైదరాబాద్ ఉస్మానియా విశ్వవిద్యాలయంలో పీడీఎస్​యూ నేతృత్వంలో నిరసన ర్యాలీ నిర్వహించారు. ముంబయిలో గేట్​వే ఆఫ్​ ఇండియా వద్ద విద్యార్థులు ఆందోళన చేపట్టారు. వీరికి నటుడు సుశాంత్​ సింగ్​ మద్దతు తెలుపుతూ నిరసనలో పాల్గొన్నారు. దిల్లీలో ఎన్​ఎస్​యూఐ ఆధ్వర్యంలో భారీ ర్యాలీ నిర్వహించారు.

బెంగళూరు టౌన్​హాల్​ ఎదుట పోస్టర్లను ప్రదర్శిస్తూ నిరసన తెలిపారు విద్యార్థులు. కోల్​కతా జాదవ్​పుర్​ విశ్వవిద్యాలయంలోనూ విద్యార్థులు రోడ్లపైకి వచ్చి ఆందోళన చేపట్టారు.

భారత విద్యార్థి సమాఖ్య(ఎస్​ఎఫ్​ఐ) ఆధ్వర్యంలో కోల్​కతా, చండీగఢ్​లో నిరసన ర్యాలీలు చేపట్టారు.