భారీ వర్షం.. మంత్రి ఇల్లు జలమయం

బిహార్ పట్నాలోని వివిధ ప్రాంతాల్లో భారీగా వర్షాలు కురిశాయి. లోతట్టు ప్రాంతాలకు వరద నీరు చేరడం వల్ల ఆ రాష్ట్ర రవాణా శాఖ మంత్రి ఇంటితో పాటు అనేక ఇళ్లు జలమయమయ్యాయి.

బిహార్ పట్నాలో భారీ వర్షపాతం నమోదైంది. వాన కారణంగా లోతట్టు ప్రాంతాలు జలమయమయ్యాయి. ఆ రాష్ట్ర రోడ్డు రవాణాశాఖ మంత్రి నంద కిషోర్​ యాదవ్​ ఇల్లు కూడా నీట మునిగింది.

నీట మునిగిన మంత్రి ఇల్లు

బిహార్​లోని పలు ప్రాంతాల్లో మరో 48 గంటల పాటు ఉరుములు మెరుపులతో కూడిన వర్షాలు కురుస్తాయని భారత వాతావరణ శాఖ హెచ్చరించింది. సివాన్, గోపాల్‌గంజ్, సీతామార్హి, దర్​భాంగా, సుపాల్, అరియారియా, కిషన్​గంజ్,కటిహార్‌లో ఉరుములు, మెరుపులు, విపరీతమైన గాలులతో కూడిన భారీ వర్షాలు కురుస్తాయని వాతావరణ బ్యూరో తెలిపింది.

మంత్రి ఇల్లు

వరదల్లో చిక్కుకున్న వారికి ఆర్థిక సాయం అందజేస్తామని నితిశ్​ కుమార్​ సర్కార్ ప్రకటించింది. జంతువులను కోల్పోయిన వారికి కూడా ఆర్థిక సాయం అందజేయనున్నట్లు వెల్లడించారు. వరదల కారణంగా ఏటా వేలాది మంది ప్రజలు ప్రాణాలు కోల్పోతున్నారు. లక్షలాది మంది జీవనోపాధిని లేక అవస్థలు పడుతున్నారు.

ఇదీ చూడండి:3నెలల తర్వాత తెరుచుకున్న సెలూన్​ షాపులు