ఒడిశా, అరుణాచల్​, సిక్కింలో పోలింగ్​ షురూ

లోక్​​సభతో పాటు 4 రాష్ట్రాల శాసనసభల ఎన్నికల పోలింగ్ ప్రారంభమైంది. ఆంధ్రప్రదేశ్​, ఒడిశా, అరుణాచల్​ప్రదేశ్​, సిక్కిం రాష్ట్రాల అసెంబ్లీ ఎన్నికలు జరుగుతున్నాయి. ఉదయం నుంచే ఓటు వేయడానికి బారులుదీరారు ఓటర్లు.

లోక్​సభతో పాటు 4 రాష్ట్రాల శాసనసభ ఎన్నికల పోలింగ్​ కట్టుదిట్టమైన ఈసీ ఏర్పాట్ల మధ్య ప్రారంభమయింది. ఆంధ్రప్రదేశ్​, ఒడిశా, అరుణాచల్​ ప్రదేశ్​, సిక్కిం రాష్ట్రాలలో ఎన్నికలు సజావుగా జరిగేలా చర్యలు తీసుకుంది ఎన్నికల సంఘం. పోలింగ్​ ప్రారంభానికి ముందే ఓటింగ్​ కేంద్రాలకు చేరుకున్నారు ప్రజలు.

పోలింగ్​ కేంద్రాల వద్ద భారీ స్థాయిలో భద్రతా సిబ్బంది, పారా మిలిటరీ బలగాలను మోహరించింది ఈసీ. సమస్యాత్మక ప్రాంతాల్లో ఎన్నికల నిర్వహణకు హెలికాప్టర్లు ఉపయోగిస్తోంది.

ఒడిశా...

విధానసభ, లోక్​సభ ఎన్నికలు జరుగుతున్న వాటిలో రెండో పెద్ద రాష్ట్రం ఒడిశా. ఈ రాష్ట్రంలో ఉన్న మొత్తం 21 లోక్​సభ సీట్లకుగాను నాలుగింటికి తొలి విడతలో ఎన్నికలు నిర్వహిస్తున్నారు. వీటి పరిధిలోని 28 శాసనసభ స్థానాలకూ ఏకకాలంలో పోలింగ్​ జరుగుతోంది.

ఒడిశాలో పోరు ప్రారంభం

మొదటి విడతలో ఓటు హక్కు వినియోగించుకుంటున్న వారిలో మహిళలే ఎక్కువ. ఈ దశలో ఎన్నికలు జరుగుతున్న మొత్తం లోక్​సభ, అసెంబ్లీ సెగ్మెంట్​లు నక్సల్​ ప్రభావిత ప్రాంతాల్లో ఉన్నాయి. మల్కాన్​గిరి లాంటి సమస్యాత్మక ప్రాంతాల్లో హెలికాప్టర్​ల ద్వారా పోలింగ్​ సిబ్బందిని తరలించారు.

అరుణాచల్​ ప్రదేశ్​

ఈశాన్య రాష్ట్రమైన అరుణాచల్​ ప్రదేశ్​లో రెండు లోక్​సభ స్థానాలతో పాటు.. 60 శాసనసభ స్థానాలకు ఎన్నికలు ప్రారంభమయ్యాయి. ఈ రాష్ట్రంలో ఉన్న 60 అసెంబ్లీ సీట్లలో ఎన్నికల ముందే 3 ఏకగ్రీవమయ్యాయి. మిగిలిన 57 స్థానాల్లో ఓటింగ్​ జరుగుతోంది.

అరుణాచల్​లో ఏకకాలంలో ఎన్నికలు

45 కంపెనీల కేంద్ర బలగాలు, 7000 మంది పోలీసులు ఎన్నికల విధులు నిర్వర్తిస్తున్నారు. తీవ్రవాద ప్రభావిత ప్రాంతాల్లో భారీగా బలగాలను మోహరించారు.

సిక్కిం...

సిక్కింలో ఒక లోక్​సభ స్థానంతో పాటు.. 32 శాసనసభ నియోజకవర్గాలున్నాయి. చిన్న రాష్ట్రమైన సిక్కింలో ఒకే దశలో పోలింగ్​ పూర్తికానుంది. ఉదయం నుంచే పోలింగ్​ కేంద్రాలకు చేరుకుని ఓటు వినియోగించుకుంటున్నారు ఓటర్లు.

సిక్కింలో పోలింగ్​ ప్రారంభం