మరో ఏడాది పాటు ఎస్పీజీ చీఫ్​గా అరుణ్​ కుమార్​

మాజీ ప్రధానులకు, ప్రధాని నరేంద్ర మోదీకి రక్షణ కల్పించే ప్రత్యేక భద్రతా దళం (ఎస్పీజీ) గ్రూప్​ డైరెక్టర్​గా​ అరుణ్​ కుమార్​ కాలపరిమితిని మరో ఏడాది పాటు పొడిగిస్తూ ఉత్తర్వులు జారీ చేసింది సిబ్బంది మంత్రిత్వ శాఖ. 2021 జులై 30 వరకు ఎస్పీజీ డైరెక్టర్​గా​ కొనసాగనున్నారు అరుణ్​.

సీనియర్​ ఐపీఎస్​ అధికారి అరుణ్ కుమార్​ సిన్హాను మరో ఏడాదిపాటు ప్రత్యేక భద్రతా దళం (ఎస్పీజీ) డైరెక్టర్​గా కొనసాగిస్తూ సిబ్బంది మంత్రిత్వ శాఖ ఉత్తర్వులు జారీ చేసింది. మాజీ ప్రధానులకు, ప్రధాని నరేంద్ర మోదీకి ఎస్పీజీ రక్షణను కల్పిస్తోంది.

2020 మార్చి 19 నుంచి 2021 జులై 30 వరకు కాల పరిమితి పొడిగిస్తూ మోదీ నేతృత్వంలోని కేబినెట్​ నియామకల కమిటీ ఈ మేరకు నిర్ణయం తీసుకుంది.

ఇటీవల కేంద్ర ప్రభుత్వం 1988 నాటి స్పెషల్​ ప్రొటెక్షన్​ గ్రూప్​ చట్టాన్ని సవరించింది. ఈ సవరించిన చట్టం ప్రకారం ప్రధాన మంత్రికి, మాజీ ప్రధానులకు మాత్రమే ఎస్పీజీ అధికారులు నిర్ణీత కాలం వరకు భద్రతను కల్పించనున్నారు.

ఇదీ చూడండి:పోలీసుల చర్యలను నిరసిస్తూ దిల్లీలో లెఫ్ట్​ పార్టీల ధర్నా