ట్రంప్​ దంపతుల కోసం చవులూరించిన వంటకాలు

అమెరికా అధ్యక్షుడు డొనాల్డ్​ ట్రంప్, ఆయన సతీమణి మెలానియా కోసం రాష్ట్రపతి ప్రత్యేక విందును ఏర్పాటు చేశారు. ట్రంప్​ దంపతుల కోసం పలు శాకాహార, మాంసాహార వంటకాలు సిద్ధం చేశారు. మటన్​ బిర్యానీ, మటన్​రాన్​, వెనీలా ఐస్​క్రిమ్​, మాల్చువా పలు రకాల వంటకాలు ఏర్పాటు చేశారు.

ట్రంప్​ దంపతుల కోసం రాష్ట్రపతి ఏర్పాటు చేసిన విందు మెనూలో పలు శాకాహార, మాంసాహార వంటకాలు ఉన్నాయి. ఇందులో స్టార్టర్లుగా సాల్మన్​ ఫిష్​ టిక్కా, ఆలూ టిక్కా, పాలకూర చాట్​, వివిధ రకాల సూప్​లను ఉంచారు. ప్రధాన వంటకాలుగా రాష్ట్రపతి భవన్​ ప్రత్యేకమైన దాల్​ రాయ్​సీనాతోపాటు, ట్రంప్​ ప్రత్యేకంగా ఇష్టపడే మాంసం, మటన్​ బిర్యానీ, మటన్​ రాన్​లను వడ్డించారు.

అలాగే పుట్టగోడుగుతో చేసిన ప్రత్యేక వంటకం, హేజెల్​నట్​- ఆపిల్, వెనీలా ఐస్​క్రిమ్​, మాల్చువా, రబ్డీలు మెనూలో ఉన్నాయి. మంగళవారం మధ్యాహ్నం.. ప్రధాని మోదీతో కలిసి ట్రంప్​ పసందైన విందు చేశారు. అనేక రకాల శాకాహార, మాంసాహార వంటకాలు పెట్టారు. మటన్​ రాన్​, పుట్టగొడుగు కూర వంటి భారత వంటకాలు, ఆయన కోసం సిద్ధం చేసిన మెనూలో ఉన్నాయి.

ఇదీ చూడండి:దిల్లీ 'పౌర' ఘర్షణలపై రేపు సుప్రీంలో విచారణ