కరోనా మహమ్మారి వల్ల ప్రజల జీవన విధానంలో భారీ మార్పులే వచ్చాయి. ప్రస్తుతం మాస్క్లు ధరించటం విధిగా మారిపోయింది. ఈ నేపథ్యంలో విభిన్న రకాల మాస్క్లు మార్కెట్లలో దర్శనమిస్తున్నాయి. ప్రస్తుతం ఫ్యాషన్, డిజైనర్ మాస్క్లకు డిమాండ్ పెరుగుతోందని అంటున్నారు ప్రముఖ డిజైనర్ స్టూడియో డైరెక్టర్ డాలీ బర్వాని.
డిజైన్లతో కూడిన మాస్క్లు లాక్డౌన్ తర్వాత డిజైనర్ దుస్తులకు డిమాండ్ లేకుండా పోయింది. డిజైనర్ స్టోన్ కార్మికులకు పని చేయటం తప్పనిసరి. అయితే పనులు లేకుండా ఇంటి వద్దే ఉండాల్సి వస్తోంది. అప్పడే డిజైనర్ మాస్క్ల రూపకల్పన చేయాలనే ఆలోచన వచ్చింది. కరోనా చాలా కాలం పాటు ఉంటుంది. కరోనా కేసులు పెరిగిపోతున్నాయి. లాక్డౌన్ ముగిసిన తర్వాత కూడా కేసుల సంఖ్య ఎక్కువగానే ఉంది. ఈ పరిస్థితుల్లో మాస్క్ల వాడకం తప్పనిసరి.
-డాలీ బర్వాని.
వధూవరుల కోసం ప్రత్యేక మాస్క్లు..
లాక్డౌన్ సడలింపుల్లో భాగంగా 50 మందితో వివాహం చేసుకోవటానికి ప్రభుత్వం అనుమతినిచ్చింది. ప్రస్తుతం పెళ్లిళ్ల సీజన్ అయిన కారణంగా వధూవరుల కోసం ప్రత్యేక మాస్క్లను తయారు చేస్తున్నట్లు చెప్పింది డాలీ. వధువు పెళ్లి దుస్తులకు నప్పే మాస్క్లను సిద్ధం చేస్తున్నట్లు వెల్లడించింది.
హ్యాండ్ ఎంబ్రాయిడరీ, స్టోన్ అల్లికలు...
మాస్కులను మూడు విభిన్న రకాల్లో తయారుచేస్తున్నారు. చిన్న పిల్లలు మాస్క్ ధరించటానికి ఇష్టపడనందున వారి కోసం కార్టూన్ పాత్రలు, సీతాకోకచిలుకల బొమ్మలతో కూడిన మాస్క్లను తయారు చేస్తున్నట్లు పేర్కొన్నారు. మహిళల కోసం ప్రత్యేకంగా బటన్లు, పువ్వులు, చేతితో చేసే డిజైనరీ స్టోన్ ఎంబ్రాయిడరీ మాస్క్లు, మిషన్తో చేసే ఎంబ్రాయిడరీ వర్క్ చేస్తున్నట్లు డాలీ తెలిపారు.
వివిధ రకాల డిజైనర్ మాస్క్లకు డిమాండ్ పెరుగుతుందని, వివాహ వేడుకల సమయంలోనూ ప్రత్యేక మాస్క్ల వినియోగం పెరుగుతుందని వ్యాపారులు చెబుతున్నారు. ప్రస్తుతం మాస్క్ల వినియోగం ఎక్కువగా ఉన్నందున వీటిని తయారు చేసే వారికి మంచి వ్యాపార అవకాశమని ఛత్తీస్గడ్ మెడికల్ కౌన్సిల్ సభ్యడు డాక్టర్ రాకేశ్ గుప్తా అభిప్రాయపడ్డారు.
చిన్నారులకు కార్టూన్ మాస్క్లు ఇదీ చూడండి:మిడతల దండు దాడి చేసినా.. పంట నష్టం జరగలేదు!
