నేడు ఒకే వేదికపైకి మాయావతి, అఖిలేశ్, అజిత్ సింగ్ సమాజ్వాదీ, బహుజన్ సమాజ్, రాష్ట్రీయ లోక్ దళ్ పార్టీల కూటమి లోక్సభ ఎన్నికల సంయుక్త ప్రచారానికి నేడు శ్రీకారం చుట్టనుంది. దీనికి ఉత్తర్ప్రదేశ్ సహరన్పూర్లోని దేవ్బంద్ వేదిక కానుంది.
దేవ్బంద్లో నేడు జరిగే ఈ సభలో బీఎస్పీ అధినేత్రి మాయావతి, ఎస్పీ అధ్యక్షుడు అఖిలేశ్ యాదవ్, ఆర్ఎల్డీ అధినేత అజిత్ సింగ్, ఉపాధ్యక్షుడు జయంత్ చౌదరి పాల్గొంటారని బీఎస్పీ ప్రతినిధి తెలిపారు.
కూటమిగా ఏర్పాడ్డాక మూడు పార్టీల నేతలు సంయుక్తంగా పాల్గొనే మొదటి సభఇదే.
మొత్తం 11 ఉమ్మడి సభలు
మూడు పార్టీల అధినేతలు సంయుక్తంగా 11 సభల్లో పాల్గొంటారని ఆర్ఎల్డీ ప్రతినిధి అనిల్ దూబే తెలిపారు. ఇవి ఈ నెల 7 నుంచి మే 16వ తేదీ మధ్యలో ఉంటాయని వెల్లడించారు.
నేటి దేవ్బంద్ సభ తర్వాత బదౌన్, ఆగ్రా, మణిపురి, రాంపూర్, ఫిరోజాబాద్, కన్నౌజ్, ఫైజాబాద్, అజంగఢ్, గోరఖ్పూర్, వారణాసిలో జరిగే ప్రచార కార్యక్రమాల్లో అఖిలేశ్, మాయావతి, అజిత్ సింగ్ సంయుక్తంగా పాల్గొంటారని తెలిపారు.
లోక్సభ తొలిదశ ఎన్నికల్లో భాగంగా ఉత్తర్ప్రదేశ్లోని ఎనిమిది స్థానాలకు ఏప్రిల్ 11న పోలింగ్ జరగనుంది.
యూపీలో మొత్తం 80 లోక్సభ స్థానాలు ఉన్నాయి. సీట్ల పంపకాల్లో భాగంగా 37 చోట్ల సమాజ్వాదీ, 38 స్థానాల్లో బహుజన్ సమాజ్ పార్టీ పోటీ చేయనుంది. మూడు స్థానాల్లో ఆర్ఎల్డీ బరిలోకి దిగనుంది. రాహుల్ గాంధీ, సోనియా గాంధీ పోటీ చేస్తున్న అమేఠి, రాయ్బరేలి స్థానాల్లో అభ్యర్థులను బరిలోకి దింపడం లేదు కూటమి.
