'వైద్య విద్యా సంస్థల్లో ఓబీసీ రిజర్వేషన్లు అమలు చేయాలి'

రాష్ట్రాల్లోని వైద్య విద్యా సంస్థల్లోనూ నీట్​ ఆల్​ ఇండియా కోటా కింద ఓబీసీ రిజర్వేషన్లు అమలు చేయాలని కాంగ్రెస్​ అధ్యక్షురాలు సోనియా గాంధీ డిమాండ్​ చేశారు. ఈ మేరకు ప్రధానమంత్రి నరేంద్ర మోదీకి శుక్రవారం లేఖ రాశారు.

నీట్​ ఆల్​ ఇండియా కోటా కింద ఓబీసీ రిజర్వేషన్లను రాష్ట్రాల్లోని వైద్య విద్యా సంస్థల్లోనూ అమలు చేయాలని కాంగ్రెస్​ అధ్యక్షురాలు సోనియా గాంధీ డిమాండ్​ చేశారు. ఈ మేరకు ప్రధానమంత్రి నరేంద్ర మోదీకి లేఖ రాశారు. ఈ డిమాండ్​కు మద్దతుగా నిలిచారు సోనియా కుమారుడు, కాంగ్రెస్​ అగ్రనేత రాహుల్​ గాంధీ. సామాజిక న్యాయం అందించే విషయంలో ఇటువంటి చర్యలు కీలకపాత్ర పోషిస్తాయన్నారు​.

వైద్య విద్యా సంస్థల్లో ఆల్​ ఇండియా కోటా కింద ఎస్సీలకు 15, ఎస్టీలకు 7.5, ఆర్థికంగా బలహీన వర్గాలకు(ఈడబ్ల్యూఎస్​) 10 శాతం రిజర్వేషన్లు అమలవుతున్నాయని... ఈ మేరకు ఓబీసీలకూ రిజర్వేషన్లు అమలు చేయాలని లేఖలో పేర్కొన్నారు సోనియా. 2017 డేటా ప్రకారం ఓబీసీ రిజర్వేషన్లు అమలు చేయకపోవడం వల్ల వారు 11 వేల సీట్లను కోల్పోయారని తెలిపారు.

ఇదీ చూడండి:యూపీలో రెచ్చిపోయిన నేరగాళ్లు.. తీవ్రంగా స్పందించిన యోగి