కోలుకుంటున్న సోనియా.. రేపు డిశ్చార్జ్​!

జీర్ణకోశ సంబంధిత సమస్యతో బాధపడుతూ ఆస్పత్రిలో చేరిన కాంగ్రెస్​ అధినేత్రి సోనియా గాంధీ కోలుకుంటున్నారు. దిల్లీలోని సర్​ గంగారాం హస్పిటల్​లో అమెకు చికిత్స అందిస్తున్నారు.

కాంగ్రెస్​ అధ్యక్షురాలు సోనియా గాంధీ జీర్ణకోశ సంబంధిత సమస్యతో బాధపడుతున్నట్లు ఆస్పత్రి వర్గాలు తెలిపాయి. విపరీతమైన కడుపునొప్పితో ఆదివారం అమె దిల్లీలోని సర్​ గంగారాం హస్పిటల్​లో చేరారు.

వైద్య పరీక్షలు నిర్విహించిన అనంతరం సోనియా గాంధీ జీర్ణకోశ సంబంధిత సమస్యతో బాధపడుతున్నట్లు, అందుకు అవసమైన చికిత్స అందిస్తున్నట్లు ఆస్పత్రి ఛైర్మన్​ డాక్టర్​ రానా తెలిపారు.

రేపే డిశ్చార్జ్​..!

సోనియా కోలుకుంటున్న నేపథ్యంలో మంగళవారం డిశ్చార్జ్ చేసే అవకాశం ఉందని ఆస్పత్రి వర్గాలు తెలిపాయి. అమె ఆస్పత్రిలో చేరినప్పటి నుంచి కుమారుడు రాహుల్​ గాంధీ, కూతురు ప్రియాంకా గాంధీ తల్లితోనే ఉంటున్నారు.