కేరళ, అసోంలకు ఏఐసీసీ కార్యదర్శులు

2021లో కేరళ, అసోంలలో జరిగే అసెంబ్లీ ఎన్నికల్లో విజయమే లక్ష్యంగా సన్నాహాలు ముమ్మరం చేసింది కాంగ్రెస్​. ఈ మేరకు ఇరు రాష్ట్రాలకు ఏఐసీసీ కార్యదర్శులను నియమిస్తున్నట్టు ప్రకటించారు పార్టీ అధ్యక్షురాలు సోనియా గాంధీ.

వచ్చే ఏడాది కేరళ, అసోం రాష్ట్రాల్లో జరిగే అసెంబ్లీ ఎన్నికల్లో గెలుపే లక్ష్యంగా కాంగ్రెస్​ సన్నాహాలు చేస్తోంది. ఇందుకోసం ముగ్గురు అఖిల భారత కాంగ్రెస్​ కమిటీ(ఏఐసీసీ) కార్యదర్శలను నియమించారు ఆ పార్టీ అధినేత్రి సోనియాగాంధీ.

కొత్తగా నియామకం పొందినవారిలో.. కేరళ తరపున తారిక్​ అన్వర్​, అసోం నుంచి జితేంద్రసింగ్​లు ఎన్నికల విధుల్లో ఆయా రాష్ట్రాల ప్రధాన కార్యదర్శులకు సహాయకులుగా ఉండనున్నారు. ఈ రెండు రాష్ట్రాల్లోనూ కాంగ్రెస్​ ప్రధాన ప్రతిపక్ష పార్టీగా ఉంది.

మాజీ ఎమ్మెల్యేలు అనిరుద్​ సింగ్​, వికాస్​ ఉపాధ్యాయ, పృథ్వీరాజ్​ ప్రభాకర్​ సాథేలను అసోం ఏఐసీసీ కార్యదర్శులుగా నియమించింది కాంగ్రెస్​. ఇక కేరళకు మాజీ ఎంపీపీ విశ్వనాథన్​, మాజీ ఎమ్మెల్సీ ఇవాన్​ దిసౌజా, పీవీ మోహన్​లను నియమిస్తున్నట్టు ఓ ప్రకటనలో తెలిపింది. కేరళ రాష్ట్రంలో గతంలో ఈ బాధ్యతలు నిర్వర్తించిన హరిపాల్​ రావత్​, సంజయ్​ చౌదరి సహా.. అసోం ఏఐసీసీ సంయుక్త కార్యదర్శిలను ఆ బాధ్యతల నుంచి తప్పించింది.

ఇదీ చదవండి:అసమ్మతి నేతలతో సోనియా సుదీర్ఘ భేటీ