భాజపాలోకి కర్ణాటక విశ్రాంత సీఎస్​ రత్నప్రభ

కర్ణాటక ప్రభుత్వ మాజీ ప్రధాన కార్యదర్శి రత్నప్రభ భాజపాలో చేరారు. ప్రధానమంత్రి నరేంద్రమోదీ సుపరిపాలన చూసి పార్టీలో చేరుతున్నట్లు ప్రకటించారు.

మాజీ ఐఏఎస్ అధికారి, కర్ణాటక ప్రభుత్వ విశ్రాంత ప్రధాన కార్యదర్శి రత్నప్రభ భారతీయ జనతా పార్టీలో చేరారు. ప్రధానమంత్రి నరేంద్రమోదీ దేశాన్ని శరవేగంగా అభివృద్ధి చేస్తున్నారని అన్నారు రత్నప్రభ. దేశ సేవ చేయడానికి భాజపాలో చేరడమే సరైన మార్గమని, అందుకే ఈ నిర్ణయం తీసుకున్నట్టు స్పష్టం చేశారు.

గతేడాది జూన్​లో ప్రధాన కార్యదర్శిగా పదవీ విరమణ పొందారు రత్నప్రభ. హైదరాబాద్ కర్ణాటక ప్రాంతంలో రత్నప్రభకు మంచి గుర్తింపు ఉంది. ఆ ప్రాంతంలో వివిధ పదవుల్లో గతంలో ఆమె విధులు నిర్వర్తించారు. రాయ​చూరు జిల్లాకు మొట్టమొదటి మహిళా కలెక్టర్​గా పనిచేశారు.

రత్నప్రభ 1981 బ్యాచ్​కు చెందిన ఐఏఎస్ అధికారిణి. కర్ణాటకకు ప్రధాన కార్యదర్శిగా పనిచేసిన మహిళా అధికారిణుల్లో రత్న మూడోవారు.