పాముతో భార్యను చంపింది.. అందుకోసమే!

కేరళ కొల్లాం జిల్లాలో ఓ వ్యక్తి పాముతో తన భార్యను చంపిన కేసులో కీలక ఆధారాలను సేకరించారు అధికారులు. రెండో పెళ్లి చేసుకోవాలనే ఉద్దేశంతోనే అతడు ఈ అఘాయిత్యానికి పాల్పడినట్లు పోలీసులు తెలిపారు.

ఓ వ్యక్తి తన భార్యను పాముతో కరిపించి చంపిన కేసుకు సంబంధించిన దర్యాప్తును ముమ్మరం చేశారు పోలీసులు. మంగళవారం సంఘటనా స్థలం వద్ద కీలక ఆధారాలను సేకరించారు.

కేరళ కొల్లాం జిల్లాకు చెందిన సూరజ్​ తన భార్యను చంపటం కోసం పామును కొని దానిని ఓ ప్లాస్టిక్​ కంటైనర్​లో ఉంచినట్లు విచారణలో తేలింది. ఆ కంటైనర్​ను అతడు ఇంటి పెరటిలో దాచిపెట్టాడు. దర్యాప్తు సమయంలో స్థానిక ప్రజలు అడ్డుకోకుండా పటిష్ట భద్రత నడుమ ఆధారాలను సేకరించారు ఫోరెన్సిక్ నిపుణులు.

మరో వివాహం కోసమే..

భార్యను చంపి ఆ తర్వాత ఆమె బంగారం, నగదును దక్కించుకొని.. అనంతరం మరొక మహిళను వివాహం చేసుకోవాలనే దురుద్దేశంతోనే అతడు ఇంతటి అఘాయిత్యానికి పాల్పడినట్లు పోలీసులు పేర్కొన్నారు.

ఇదీ చూడండి:పక్కా 'పాము' స్కెచ్​తో భార్యను చంపేశాడు.. కానీ!