మనీశ్​ సిసోడియాకు కరోనాతో పాటు డెంగ్యూ

కరోనా బారినపడిన దిల్లీ ఉపముఖ్యమంత్రి మనీశ్​ సిసోడియాకు డెంగ్యూ ఉన్నట్లు వైద్యులు వెల్లడించారు. ఆయనలో ప్లేట్​లెట్ల సంఖ్య కూడా తగ్గిపోతోందని తెలిపారు. ప్రస్తుతం వెంటిలేటర్​పై ఉంచి ఆయనకు చికిత్స అందిస్తున్నారు.

దిల్లీ ఉపముఖ్యమంత్రి మనీశ్​ సిసోడియాకు డెంగ్యూ సోకినట్లు తెలిపారు వైద్యులు. సెప్టెంబర్​ 14నే కరోనా బారినపడిన ఆయన.. జ్వరం, శ్వాస సంబంధిత సమస్యలతో దిల్లీ లోక్​నాయక్​ జయప్రకాశ్​ ఆస్పత్రిలో బుధవారం చేరారు. ఆయనలో ప్లేట్​లెట్ల సంఖ్య క్రమంగా తగ్గిపోతోందని వెల్లడించారు డాక్టర్లు.

ఐసీయూలో చికిత్స పొందుతున్న ఆయన ఆరోగ్యం ప్రస్తుతం నిలకడగానే ఉన్నట్లు స్పష్టం చేశారు. కొద్దిరోజుల్లో మరోసారి కరోనా పరీక్ష చేయనున్నట్లు తెలిపారు.