సిక్కింలో ముగిసిన చామ్లింగ్ శకం!

సిక్కిం ఓటర్లు మార్పునకు పట్టం కట్టారు. వరుసగా 5 దఫాలు, 24 ఏళ్లు ముఖ్యమంత్రిగా బాధ్యతలు నిర్వర్తించిన పవన్ కుమార్ చామ్లింగ్ పార్టీ 32 స్థానాల అసెంబ్లీలో 15 సీట్లు మాత్రమే సాధించింది. సిక్కిం క్రాంతికారి మోర్చా 17 స్థానాలు సాధించి అధికారాన్ని హస్తగతం చేసుకుంది.

ఈశాన్యాన చిన్న రాష్ట్రమైన సిక్కిం అసెంబ్లీ ఎన్నికల్లో సిక్కిం క్రాంతికారి మోర్చా(ఎస్​కేఎం) విజయం సాధించింది. సుదీర్ఘకాలం ముఖ్యమంత్రిగా పనిచేసిన నేతగా రికార్డు సృష్టించిన పవన్​చామ్లింగ్​ పార్టీ సిక్కిం డెమొక్రటిక్​ ఫ్రంట్​(ఎస్​డీఎఫ్​)32 స్థానాల సిక్కిం అసెంబ్లీలో15 సీట్లు మాత్రమే సాధించింది. ప్రత్యర్థి పార్టీ సిక్కిం క్రాంతికారి మోర్చా(ఎస్​కేఎం)17 సీట్లు గెలిచి అధికారాన్ని హస్తగతం చేసుకుంది.

గత అసెంబ్లీ ఎన్నికల్లో 32 స్థానాలకుగాను ఎస్​డీఎఫ్​ 22 గెల్చుకోగా ఎస్​కేఎం 10 స్థానాల్లో విజయం సాధించింది. జాతీయ పార్టీలైన భారతీయ జనతా పార్టీ, కాంగ్రెస్​ల హవా ఇక్కడ తక్కువ.

పౌరసత్వ సవరణ బిల్లు, జాతీయ పౌర రిజస్టర్​ వివాదంతో రాష్ట్రంలో సంక్షోభ పరిస్థితి నెలకొని ఉంది. ఈ అంశాలే ప్రచారాస్త్రాలుగా ప్రతిపక్షాలు ప్రచారం నిర్వహించాయి. రాష్ట్రంలో ఉన్న ఒకే ఒక లోక్​ సభ నియోజకవర్గంలో ఎస్​కేఎం విజయం సాధించింది.