సార్వత్రిక ఎన్నికల్లో కాంగ్రెస్ అధ్యక్షుడు రాహుల్ గాంధీ కర్ణాటకలోని లోక్సభ స్థానం నుంచి పోటీ చేయాలని కోరుకుంటున్నట్టు మాజీ ముఖ్యమంత్రి సిద్దరామయ్య తెలిపారు.
రాహుల్ గాంధీని కాబోయే ప్రధానమంత్రి అంటూ.... దివంగత ప్రధాని ఇందిరా గాంధీ, యూపీఏ చైర్పర్సన్ సోనియా గాంధీగతంలో కర్ణాటక నుంచి పోటీ చేసిన విషయాన్ని గుర్తు చేశారు. రాష్ట్రం నుంచి రాహుల్ పోటీ చేయాలని పార్టీ రాష్ట్రశ్రేణులన్నీ ఆకాంక్షిస్తున్నాయని చెప్పారు సిద్దరామయ్య.
"కర్ణాటక ఎప్పుడూ కాంగ్రెస్ పార్టీ అగ్రనేతలకు మద్దతుగా నిలుస్తోంది. ఇందిరాజీ, సోనియాజీ గెలిచినప్పుడే ఇది నిరూపితమైంది. దేశానికి కాబోయే తర్వాతి ప్రధానమంత్రి రాహుల్ గాంధీ మా రాష్ట్రం నుంచే పోటీ చేయాలని కోరుకుంటున్నాం."
-- ట్విట్టర్లో కర్ణాటక మాజీ సీఎంసిద్దరామయ్య
దివంగత మాజీ ప్రధానిఇందిరా గాంధీ 1978 ఉప ఎన్నికల్లోకర్ణాటకలోని చిక్కమాగళూరు లోక్సభ స్థానం నుంచిపోటీ చేసి గెలుపొందారు. 1999లో ఇప్పటి యూపీఏ ఛైర్పర్సన్ సోనియా గాంధీ ఆ రాష్ట్రంలోని బళ్లారి నుంచి పోటీ చేశారు. అప్పటి భాజపా అభ్యర్థి అయిన సుష్మా స్వరాజ్పై గెలుపొందారు.
సీట్ల పంపకాల్లో భాగంగా ఈసారి చిక్కమాగళూరు స్థానాన్ని జేడీఎస్కు కేటాయించింది కాంగ్రెస్. బళ్లారి నుంచి హస్తం పార్టీ అభ్యర్థే బరిలో దిగనున్నారు.
అమేథీతో పాటు దక్షిణాదిలోని ఏదైనా ఓ లోక్సభ స్థానం నుంచి పోటీ చేయాలని రాహుల్ గాంధీపై పార్టీలోని కొందరు నేతలు ఒత్తిడి తెస్తున్నారని కొంత కాలంగా వార్తలు వెలువడుతున్నాయి. ఈ నేపథ్యంలోనే సిద్దరామయ్య ట్వీట్లు చేయడం ఆసక్తికరంగా మారింది.
ఉత్తర్ప్రదేశ్లోని అమేథీ లోక్సభ స్థానం నుంచి రాహుల్ గాంధీ పోటీ చేయనున్నారని కాంగ్రెస్ పార్టీ ఇటీవలే ప్రకటించింది. రాయ్బరేలీ నుంచి సోనియా గాంధీ పోటీకి దిగుతున్నారు.
