రోడ్డు పోయింది!.. ఠాణాలో కేసు నమోదు

మధ్యప్రదేశ్​లోని ఛింద్​వాడాలో రోడ్డు పోయిందని ఓ వ్యక్తి పోలీసు స్టేషన్​లో ఫిర్యాదు చేశాడు. ఈ అరుదైన ఘటన జామ్​కుండా గ్రామ పంచాయతీ పరిధిలో జరిగింది.

మధ్యప్రదేశ్​ ఛింద్​వాడాలోని అంబాడా పోలీస్​ స్టేషన్​లో ఓ వింత కేసు నమోదయింది. జామ్​కుండా పంచాయతీ పరిధిలో ఓ రోడ్డు చోరీకి గురయిందని ఆ గ్రామానికి చెందిన రాకేశ్​ ఖరే పోలీసులకు ఫిర్యాదు చేశాడు.

రాకేశ్​ ఫిర్యాదుపై స్పందించిన పోలీసులు గ్రామానికి వచ్చి తనిఖీ చేసి అసలు విషయాన్ని తెలుసుకున్నారు. గ్రామానికి మంజూరైన సీసీ రోడ్డును పూర్తి చేసేలా సంబంధిత అధికారులతో మాట్లాడతామని చెప్పి వెళ్లిపోయారు.

ఇదీ జరిగింది..

జామ్​కుండా గ్రామానికి 288 మీటర్ల సీసీ రోడ్డు మంజూరయింది. కేవలం 94 మీటర్లు నిర్మించి వదిలేశారు గుత్తేదారులు. ఈ విషయమై సమాచార హక్కు చట్టం ద్వారా వివరాలు సేకరించిన రాకేశ్​కు.. నిర్మాణానికి సంబంధించిన పూర్తి నిధులను తీసుకున్నట్లు తెలిసింది. ఫలితంగా మిగిలిన 194 మీటర్ల రోడ్డు పోయిందని ఠాణాలో ఫిర్యాదు చేశాడు.

ఇదే విషయంపై సర్పంచ్​ను సంప్రదించగా.. అటవీ శాఖ నుంచి అనుమతుల జాప్యంతో నిర్మాణం నిలిచిపోయిందని చెబుతున్నారు.

"అటవీ శాఖ అనుమతుల కారణంగా నిర్మాణం ఆగిపోయింది. కొన్ని కారణాల వల్ల అనుమతి ఇవ్వటంలో జాప్యం జరిగింది. ఈ ప్రక్రియ పూర్తి కాగానే నిర్మించి ఇస్తాం."

- ప్రకాశ్​ కమరే, సర్పంచ్​

ఇదీ చూడండి: సుప్రీం మాజీ న్యాయమూర్తికి అరుదైన గౌరవం