దారుణం: విద్యార్థినులపైకి దూసుకెళ్లిన బస్సు

విద్యార్థినులపై బస్సు దూసుకెళ్లిన ఘటన తమిళనాడులోని కన్యాకుమారిలో చోటుచేసుకుంది. ఇందులో 11మంది గాయపడి ప్రస్తుతం ఆసుపత్రిలో చికిత్స పొందుతున్నారు. డిసెంబర్​ 11కు సంబంధించిన ఈ ఘటన దృశ్యాలు వైరల్​గా మారాయి.

తమిళనాడులో ఒళ్లు గగుర్పొడిచే ఘటన చోటుచేసుకుంది. కన్యాకుమారి జిల్లాలోని ఓ స్కూల్ సమీపంలో బస్సు అదుపు తప్పి.. విద్యార్థినుల పైకి దూసుకెళ్లిన ఘటన ఆలస్యంగా వెలుగులోకి వచ్చింది. ఈ ఘటనలో 11మందికి గాయాలయ్యాయి. క్షతగాత్రులు ప్రస్తుతం ఆసుపత్రిలో చికిత్స పొందుతున్నారు.

ఈ దుర్ఘటన దృశ్యాలు సీసీటీవి ఫుటేజీ ద్వారా వెలుగులోకి వచ్చాయి. ఈ దృశ్యాలు ప్రస్తుతం సామాజిక మాధ్యమాల్లో వైరల్​గా మారాయి. అయితే ఈ ఘటన డిసెంబర్​ 11న జరిగిందని సమాచారం.

ఇదీ చూడండి: దిల్లీ పోలీసుల చర్యపై భగ్గుమన్న విద్యార్థి లోకం