చికెన్ షాపుకెళ్లి చెయ్యి తెగనరుక్కుని... ఓ రిటైర్డ్ ఆర్మీ సైనికుడు.. చికెన్ షాపుకెళ్లి అనూహ్యంగా తన చెయ్యిని తానే నరుక్కున్నాడు. తన రెండో చెయ్యిని కూడా నరికేయమని పక్కనే ఉన్న వారిని అభ్యర్థించాడు. ఆయన అనూహ్య ప్రవర్తనను చూసిన వారు భయంతో పరుగులు తీశారు. ఈ ఘటన తమిళనాడులోని థేని జిల్లాలో జరిగింది.
దంపతుల మధ్య విభేదాలతోనే?
వెంకటేశన్.. థేని జిల్లాలోని కంబమ్ ప్రాంత వాసి. ఆర్మీ నుంచి రిటైర్ అయిన అనంతరం ఆయన కుటుంబంతో అక్కడే నివాసముంటున్నాడు. ఇదే సమయంలో దంపతుల మధ్య విభేదాలు తీవ్ర స్థాయికి చేరాయి. ఈ నేపథ్యంలో వెంకటేశన్ తీవ్ర ఒత్తిడికి గురయ్యాడు.
అయితే గురువారం చికెన్ షాపుకు వెళ్లిన వెంకటేశన్ అనూహ్య రీతిలో ప్రవర్తించడం మొదలు పెట్టాడు. అక్కడే ఉన్న మాంసాన్ని కొట్టే కత్తితో తన చెయ్యిని తెగనరుక్కున్నాడు. పక్కనే ఉన్న వారు ఈ సంఘటనతో బెంబేలెత్తిపోయి అక్కడి నుంచి పరుగులు తీశారు. ఇదే సమయంలో తన రెండో చెయ్యిని కూడా నరికెయ్యమని అక్కడి వారిని కోరాడు వెంకటేశ్న్. ఈ దృశ్యాలన్నీ షాపులోని సీసీటీవీ కెమెరాల్లో చిక్కాయి.
ఈ విషయాన్ని స్థానికులు పోలీసులకు సమాచారం అందించారు. రంగంలోకి దిగిన పోలీసులు.. వెంకటేశన్ను థేని ప్రభుత్వాసుపత్రికి తరలించారు. పూర్తి వ్యవహారంపై కేసులు నమోదు చేసుకున్న పోలీసులు.. వెంకటేశన్ ప్రవర్తనకు గల కారణాలను తెలుసుకునేందుకు ఆయన కుటుంబసభ్యులు, స్నేహితులను విచారిస్తున్నారు.
ఇదీ చూడండి:-రోడ్డు పక్కన పడుకున్న యాచకురాలిని చంపి.. ఆపై!
