పెద్దల సభకు వెళ్లే అవకాశం ఎవరికో...?

17వ లోక్​సభకు ఎన్నికైన నేపథ్యంలో భాజపా అధ్యక్షుడు అమిత్​ షా, కేంద్ర మంత్రులు రవిశంకర్​ ప్రసాద్​, స్మృతి ఇరానీ, డీఎంకే నాయకురాలు కనిమొళి రాజ్యసభ సభ్యత్వానికి రాజీనామా చేశారు. ఖాళీ అయిన 3 స్థానాలను భర్తీ చేయడంపై భాజపా కసరత్తు ప్రారంభించింది.

రాజ్యసభ సభ్యత్వానికి భాజపా జాతీయ అధ్యక్షుడు అమిత్​ షా, కేంద్ర మంత్రులు రవిశంకర్​ ప్రసాద్​, స్మృతి ఇరానీ, డీఎంకే నాయకురాలు కనిమొళి రాజీనామా చేశారు. సార్వత్రిక ఎన్నికల్లో ఘన విజయం సాధించిన నేపథ్యంలో ఈ మేరకు నిర్ణయం తీసుకున్నట్లు పార్లమెంటు​ ఎగువసభ సచివాలయం పేర్కొంది.

గుజరాత్​ గాంధీనగర్​ నుంచి అమిత్​ షా, ఉత్తర్​ప్రదేశ్​లోని అమేఠీ నుంచి స్మృతి ఇరానీ, బిహార్​ పట్నా నుంచి రవిశంకర్​ ప్రసాద్​లు లోక్​సభకు ఎన్నికయ్యారు. తమిళనాడు తూతుక్కుడి నుంచి కనిమొళి విజయం సాధించారు.

ఆ స్థానాల్లోకి ఎవరు...?

ఎన్డీఏ భాగస్వామ్యపక్షం ఎల్​జేపీ అధినేత రామ్​ విలాస్​ పాసవాన్​కు కొత్త ప్రభుత్వంలో మంత్రి పదవి ఇవ్వాలని భావిస్తోంది. కేంద్రమంత్రి రవిశంకర్​ ప్రసాద్​ స్థానంలో పాసవాన్​ను రాజ్యసభకు పంపాలని యోచిస్తోంది భాజపా.

గుజరాత్​ నుంచి రాజ్యసభకు ప్రాతినిధ్యం వహించిన అమిత్​ షా, స్మృతి ఇరానీ లోక్​సభకు ఎన్నికవటం వల్ల ఆ రెండు స్థానాలు ఖాళీ అయ్యాయి. సార్వత్రిక ఎన్నికల్లో ఓటమి పాలైనవారితో ఆ రెండు స్థానాలను భర్తీ చేయాలని చూస్తోంది భాజపా.

ఇదీ చూడండి:పాంచ్ పటాకా సీఎం 'నవీన్​ పట్నాయక్​'